› 選擇地區
三藩市
紐約
洛杉磯
其他美國地區
香港 台灣 北美
 
2018年05月16日

【馮仁昭四圍超】探訪獨居長者
應采兒帶囝囝派米

應采兒(小圖)前日帶囝囝去深水埗探訪獨居老人。微博圖片

陳小春上年帶4歲大囝囝Jasper參加內地綜藝節目《爸爸去哪兒》第五季,Jasper精靈可愛,唔少觀眾都鍾意佢,仲有廣告商打Jasper主意。不過作為媽咪嘅應采兒,只係想囝囝保持善良嘅心,明白幸福唔係必然,前日佢就帶Jasper去深水埗探訪獨居老人,仲要囝囝親手派米同即場表演跳舞,𠱁老人家開心。

表演跳舞

問到點解會帶囝囝去派米?應采兒話:「帶個仔去深水埗探訪獨居長者,一方面係幫長者check吓平安鐘有冇壞,另方面係想Jasper感受吓幸福非必然,要小朋友明白仲有好多人生活好困難,Jasper陪老人家傾吓偈之餘,又表演跳舞,𠱁到啲公公婆婆笑得好開心。我要個仔知道,要識得回饋個社會,睇到佢自己係好開心去做呢啲嘢,好自發性拎啲米畀婆婆。」
內地網民知道Jasper咁乖仔,都大讚佢:「和媽媽一起去做好事,真乖!正能量,善良的一家人!」、「真的是好孩子!好事就要從小做起!」、「家教太好了,怪不得Jasper這麼懂事!」、「一家人都好善良啊!」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載