› 選擇地區
三藩市
紐約
洛杉磯
其他美國地區
香港 台灣 北美
 
2018年05月18日

大肚吳雨霏孖鄧麗欣
賀區文詩新居入伙

吳雨霏(Kary)2月宣佈造人成功,預產期將在下個月,有傳其夫洪立熙(Brian)為迎接洪家第一B,已在半山購入半億豪宅,等金笸籮出世,住得舒舒服服。

Kary雖然快將「卸貨」,但仍然活力十足,不時影到佢陀住B四圍去,前晚就挺著大肚,同兩位好姊妹區文詩(Angela)同鄧麗欣(Stephy)聚餐,慶祝Angela新居入伙。

Angela喺IG貼咗幾張相,化咗淡妝嘅Kary精神奕奕,着白T恤衫襯牛仔褸嘅佢,露出圓碌碌嘅巨肚,坐喺Angela同Stephy中間影合照。

餸菜方面,除咗一碟炸物外,其他都算清淡,包括蒸水蛋、蒸節瓜脯、蒸雞翼等。不過,亮點就唔係枱面嗰五個餸,反而係四個飯碗,究竟鏡頭外仲有邊個喺度?

據知鏡頭外,即係負責影相嗰位,只係Kary老公Brian,唔係傳聞同Kary已破冰嘅楊愛瑾,昨日《蘋果》搵過Angela,問咁精美嘅五個小菜由誰操刀?佢就話:「係我下廚呀!不過私人嘢就唔講咁多喇!」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載