› 選擇地區
三藩市
紐約
洛杉磯
其他美國地區
香港 台灣 北美
 
2018年05月19日

大肚上圍升Cup
素食Rosemary 為BB破戒

自宣佈懷孕後昨日首度出活動的Rosemary,陀五個多月B的她,上圍明顯升cup。

混血名模Rosemary與中印混血富商老公Jason結婚兩年半,上星期日趁母親節,在社交平台宣佈已懷孕22周,即五個多月身孕,加入媽咪俱樂部。昨日,她自宣佈喜訊後首度現身,在金鐘出席港安醫院慈善基金活動,身穿紫色吊帶裙的她,身形明顯比以前圓潤,上圍亦豐滿,她笑言:「唔敢上磅,我估上圍升咗一cup,𠵱家着衫要好鬆身。」

預產期9月

Rosemary早以計劃生B,已戒酒多做運動調理身體,問到陀B會否辛苦?她說:「好順,好開心,冇嘔。」至於腹中BB性別?她笑言要保持神秘感:「照嘅時候我感覺到,但我唔講得住,我同老公都想等吓。仔女都冇所謂,不過唔係twins。」Rosemary表示會順產:「會喺香港生,預產期係9月,有機會同我生日同一日,不過生BB會早會遲,但我希望同我係同一日。」Rosemary坦言老公相當緊張,前兩晚還親自下廚煮牛扒,而素食多年的她,亦因BB要吸收營養,所以照食牛扒,胃口更改變喜歡食pizza及意粉。

梁麗翹誕女

已考獲瑜伽導師牌的Rosemary,透露陀B期間會繼續做瑜伽,之前曾在Ig貼出倒吊動作的視頻,她說:「當時我唔知有咗,之後醫生話唔可以做高難度動作,不過我識懷孕瑜伽,我會照做,仲有行山做運動。」此外,無綫主持的梁麗翹昨日在Ig貼出抱B相,宣佈女兒前日已出世,英文名叫Nanette,囡囡鼻子生得高,下巴尖尖,相當趣致,她回覆傳媒時表示:「仲熟習緊點樣做一個新手媽媽,嘗試餵人奶。」
採訪、攝影:黃曉妍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載