› 選擇地區
三藩市
紐約
洛杉磯
其他美國地區
香港 台灣 北美
 
2018年05月23日

三個女一歲斷尾
Bob細仔濕疹困擾呆滯

天生外父相的林盛斌(Bob),跟老婆本來育有三女,直至去年8月終於追仔成功,為林家傳宗接代,孻仔林道申(Jaye)現九個月大,生得好靚仔。前晚Bob在社交網貼囝囝生濕疹相,不但面頰佈滿紅疹,連手仔都有紅疹,Jaye表情呆呆好可憐。

感謝介紹療法

Bob心痛留言:「本身好靚仔嘅細佬突然變到咁,做爸爸嘅真係心痛到一個點……希望老婆自家製嘅愛心cream可以幫到你,寧願佢啲濕疹十倍咁生喺我度,都唔想見到佢咁陰功。」網民紛紛提供各種醫治濕疹的方法,祝福Jaye早日康復。
Bob昨日與陳嘉桓到馬鞍山出席活動時表示,三個女兒都曾經患有濕疹,直至一歲才斷尾,他說:「太太用自製天然cream幫細佬搽,但可能細佬體質唔同,進度慢,𠵱家盡量令屋企乾爽,同埋沖涼唔用咁熱嘅水。」Bob特別感激朋友及網民介紹古方療法及中西名醫,甚至連袁詠儀都有提供意見。

莊思敏透Bra

同場的莊思敏着透視裝現黑bra,笑言服飾是配合炎熱天氣,她想把握炎夏出海,但首先要搜羅合心水泳衣。下星期就返馬來西亞為爸爸預祝生日兼慶祝父親節,問到準備甚麼禮物送給富爸爸?她說:「好難諗,應該係最實際現金,到時食飯會爭住埋單。」而母親節則送了自家設計品牌手錶給媽咪,她說:「手錶只得女裝,我會為爸爸開展男士生意,希望一年內實現,生意唔怕多,但每樣生意都會找專業朋友幫手合作。」
採訪:黃曉妍
攝影:林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載