› 選擇地區
三藩市
紐約
洛杉磯
其他美國地區
香港 台灣 北美
 
2018年05月23日

老公一直覺得性感
溫碧霞露點成經典「好儍女」

【我們的演唱會】51歲美魔女溫碧霞(Irene)將於下月開處女騷,很多人都驚訝「海潮」識唱歌?原來她出過8張唱片,今次開騷揚言冇底線,Irene希望回顧36年演藝事業,對於曾拍三級片《驚變》露兩點成經典,Irene坦言:「好儍女!」

相關新聞:請新婚阿嬌做嘉賓

在26年前,溫碧霞憑經典角色「海潮」成為標籤,下月19日亦因「海潮」成就了她的處女騷,在旺角麥花臣場館小試牛刀,舉行入行以來首個演唱會,日前Irene在酒店接受《蘋果》專訪,着性感吊帶裙在床上擺誘惑甫士,為處女騷減到102磅的她,「海潮」上身騷在骨子裏。

去過日本學聲樂

很多人都訝異Irene識唱歌?其實她出過8張唱片,歌曲有《海潮》、《忘掉我自己》、《半生緣》等,今次個唱都以「海潮」命名,當年未有憑唱歌走紅,但現在卻夠膽開演唱會,Irene說:「演唱會係回顧我入行咁多年拍過嘅戲同唱過嘅歌,諗住畀自己一個回憶,拍《海潮》時我出過幾張唱片,當時都係貪玩,之後專注番拍戲,所以就放低咗唱歌。其實有段時間我去咗日本讀聲樂,對唱歌有信心好多,之後雖然冇出唱片,但我都去好多地方登台,大家都話expect我係演戲,冇諗過我原來唱歌都好聽。」

相關新聞:【名師學唱】與發哥嘉玲同門

演唱會回顧Irene的演藝事業,除了「海潮」成就她的經典之外,其實Irene於96年拍三級片《驚變》,更犧牲色相露兩點演出,跟男主角任達華床戰,當年的大膽演出叫觀眾譁然,至今依然令人難忘!並不是三級片女星的Irene,為甚麼願意露點演出呢?她坦言:「我本身好開放,唔係保守女仔,由細到大睇開外國片,外國artists拍戲都好open,拍出嚟好靚好有美感,當時我想突破自己,覺得為藝術而犧牲好似好型,𠵱家望番轉頭覺得好儍女,但冇後悔,始終係一個人生經歷。」
而為了備戰處女騷,這段時間Irene更加努力練歌和keep fit:「做瑜伽、跑步、踩單車,尤其今年又出寫真,成個狀態要更加好,之前最重105磅,𠵱家102磅。」Irene的形象一向性感,問到會否真空上陣冇底線?她說:「性感一定有啲,但最緊要有美感同好fresh,我一直鍾意好free感覺,哈哈哈!」

老公包辦100張飛

問到老公何祖光是否批准台上性感?Irene笑說:「佢一直覺得我性感,可能佢已經睇慣咗。」老公是否包了很多門票支持?她說:「有呀,好似100張,佢一聽到我開騷,請好多朋友去睇,我覺得佢都好興奮好開心,好支持我嘅工作。」
撰文:余燕儀
攝影:沈健程
場地提供:富薈馬頭圍酒店
髮型:Ken Ng of Queens Private i
化妝:Khaki Yan

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載