› 選擇地區
三藩市
紐約
洛杉磯
其他美國地區
香港 台灣 北美
 
2018年05月28日

【馮仁昭四圍超】
自備木結他旺角視察
龍小菌輸畀大喇叭

油尖旺區議會日前通過研究旺角「殺街」議案,預計四個月後執行,龍小菌曾經以「蒙面歌手」喺此地獻唱,亦曾因不快經歷表示唔會再返嚟表演。前晚帶同自家樂隊帶菌者嘅樂手Mann重遊舊地,發現多咗霸位文化,要去到街尾先搵到有利位置獻唱,兩人只靠木結他,當然唔及準備咗大喇叭嗌爆咪嘅大媽響亮:「一把人聲,未必因為咁吸引到觀眾去睇,就係因為每個表演者都咁諗,變得大家鬥大聲。如果大聲好聽,聽落舒服冇問題,但大家鬥大聲,只係純粹想蓋過其他表演者,就變得唔係好健康。」

疲勞轟炸

小菌闊別旺角行人專用區舞台五年,雖發現表演者多咗搵食大媽,但唔反對透過街頭表演去搵食。對於噪音問題嚴重,佢都明白居民感無奈:「一路咁玩都會係疲勞轟炸,每日可能最多5至6點,或6至7點,我覺有個限期唔會咁辛苦,亦可訂出某時段玩音樂,當然唔能夠超過噪音限制。」對於「殺街」,佢覺得可惜:「冇咗街頭文化梗係可惜,當呢度太氾濫,冇辦法去控制,就會對側邊商戶、居民造成騷擾同滋擾,都要搵個平衡點。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載