› 選擇地區
三藩市
紐約
洛杉磯
其他美國地區
香港 台灣 北美
 
2018年05月31日

【馮仁昭四圍超】《東方華爾街》獲力撐
栢芝老套劇收視唔掂

張柏芝演嘅劇集《如果,愛》喺內地播出後,收視麻麻。

唔想睇宮鬥劇《宮心計2深宮計》,嫌睇到悶,不妨諗下張栢芝新劇《如果,愛》,又或者劉德華幫FOX監製嘅網劇《東方華爾街》,前者周日喺湖南衛視金鷹獨播劇場開播,男主角係吳建豪,後者上周四喺騰訊視頻、衛視電影台同串流平台FOX+播出,演員有吳鎮宇、張可頤同張孝全。
先講栢芝套劇,十年冇拍過電視劇嘅佢,聽講酬金達8,000萬人民幣,不過佢有份投資仲做埋總製片人,呢套劇故事係講一個女人經歷離婚後重新搵番人生嘅治癒故事,剛開播收視唔多掂,仲畀唔少網友批評劇情好狗血:「這是典型的傳統家庭生活模式,女人在家帶孩子沒權沒錢沒地位,看得我憋屈死了。」、「張栢芝還是美的,但是她為何接這種劇,套路、狗血。」基本上觀眾讚栢芝顏值相當高,保持得個樣幾好,但婆媽老套劇情就頂唔順。

桂綸鎂《東》劇登場

至於華仔監製嘅《東》劇,上周四一連播咗頭兩集,雖然只係得幾個頻道可以睇到,不過依然有唔少網民捧場,直至𠵱家約有6,000萬點擊,雖然唔算勁,但最反映民意嘅評分網站「豆瓣」評分有8.3分,算係好高。而去到今日播出嘅第三集神秘主角桂綸鎂登場,故事講潘燦良同桂綸鎂本來係夫妻,婚後生咗女,不過最後大家分開咗,桂綸鎂將女送咗畀人。事隔多年,桂綸鎂出現,今次佢係因為受譚耀文嘅指示,對付張孝全同吳鎮宇。
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載