› 選擇地區
三藩市
紐約
洛杉磯
其他美國地區
香港 台灣 北美
 
2018年06月04日

【周秀娜逼爆菜街】
李克勤世盃撐硬英格蘭 娜姐最愛邊位球星?

星期六旺角行人專用區非常熱鬧,原來係因為有着數呀。李克勤同周秀娜喺當日下午出席The Club一個活動,雖然天氣好熱,但都無損粉絲熱情,依然吸引近500人圍觀,克勤仲同觀眾玩遊戲兼大派禮物。主辦單位亦表示預備咗一百萬張世盃「一日通行證」,免費畀市民觀賞世界盃賽事。講到今屆世界盃,克勤就笑話:「屆屆都睇好英格蘭;屆屆都覺得大(機會)呀,未踢之前。」娜姐亦話:「世界盃會睇呀,覺得酒吧或者約埋一大班朋友睇係熱鬧啲,但而家就會覺得屋企舒服啲,可以攤喺梳化,點樣都得。」問到娜姐至愛嘅球員,佢馬上就答:「C朗!」除咗外型吸引,娜姐覺得佢「內外兼備,仲係一個好爸爸」。

想知香港人點睇今屆俄羅斯世界盃?最撐邊隊國家隊最捧盃?快啲去片啦!

俄羅斯世界盃將於6月14日揭幕,64場賽事Now TV先有得睇晒,當中只有19場有得喺免費台Viu TV睇到。另一個唔使真金白銀睇世盃嘅方法,就係呢張所謂「一日通行證」。新登記the Club,就可以喺手機免費睇兩場波,6月16號法國對澳洲,同6月24號德國對瑞典。現有會員都可以兌換獎賞或者購買Club SIM增值服務,得到兩張「一日通行證」,免費睇6月24日或之前其中一天嘅賽事。The Club會員可以用3,400 Club積分兌換全部64場賽事通行證(原價$980)。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載