› 選擇地區
三藩市
紐約
洛杉磯
其他美國地區
香港 台灣 北美
 
2018年06月04日

吳博君病後手停口停
含淚多謝劉華捐錢解困境

吳博君患病後跟太太都沒再工作,手停口停,問到經濟能力有否問題?博君坦言:「真係完全冇收入,我太太將情況講畀演藝人協會聽,後來麥包(麥長青)聯絡我哋,我當年訓練班同學、冇聯絡嘅都嚟探我,好似魯振順、湯鎮業、劉少君……真係走嚟醫院探我,二十三年冇見過。」

相關新聞:心痛太太撲來撲去

劉德華伸援手

博君眼紅紅、聲震震說:「我特別多謝薛凱琪,我唔識佢,佢私人捐咗少少錢畀我,人間真係有情。藝進會邊個捐助我幾多,有張清單,睇到劉德華都有捐,大家都好有心。」還有博君的前任老闆,對他亦有情有義:「患病前最後嗰份工,喺一間公司做清潔雜務,入咗安老院,老闆應承每個月津貼我5,000蚊費用,為期兩年,我都嚇咗一跳。」他哽咽說:「世間上竟然有咁好嘅人,真係好開心,我由一個好絕望,變番充滿希望嘅人。」
不認識博君都伸出援手的薛凱琪在電話說:「今年做咗演藝人協會委員,有日志偉將呢件事通知大家,我唔識佢本人,捐咗少少錢畀佢,想佢知道有好多人愛佢。」吳博君現除定期到醫院做物理治療,亦在艾威介紹下看中醫,艾威在電話表示:「𠵱家佢由好灰變得有希望。」
採訪:余燕儀
攝影:林德雄、沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載