› 選擇地區
三藩市
紐約
洛杉磯
其他美國地區
香港 台灣 北美
 
2018年06月04日

丁子高食完早餐即跑步
真係急性盲腸炎入院…

楊千嬅老公丁子高向來都好注重健康,經常都會喺社交平台貼跑步或游水相,昨日突然話跑咗一陣步就因為腹部劇痛要入院,發現原來係盲腸炎,要即刻做手術。

丁子高喺ig貼咗插住針嘅手,透露朝早如常食完早餐後,就到戶外跑步。佢話開始時都覺得有啲乏力,跑咗6公里後,個肚開始唔舒服,未幾已經痛到頂唔順,要坐的士返屋企。

丁子高稱:「回家後立刻衝到洗手間,以為放下肚中大石便可自癒,沒料到肚部痛楚沒有減低反而急速上升,這時惟有洗過澡後,用最後吃奶力之跑到大樓下乘車到醫院。因為實在已經沒有力氣,所以護士姐姐用輪椅,把我這個捲動得像蟲一樣的病人推到醫生房間接受檢查。經過仔細的電腦掃描之後,斷定是細菌入腸,需要做一個小手術把發炎部份切除,這就是盲腸炎。」

丁子高話昨日真係好難忘,體驗人生從未試過嘅痛楚,佢仲hashtag「以前阿媽成日講#食完嘢唔好周圍跑 #原來唔係咁簡單」。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載