› 選擇地區
三藩市
紐約
洛杉磯
其他美國地區
香港 台灣 北美
 
2018年06月06日

獻出第一次練舞開騷
RubberBand操弗大挑戰

【《蘋果》專訪】樂隊RubberBand於九月舉行演唱會,正積極做宣傳兼錄新歌,其中更創作以運動為主題的《Moving On》,兼且拍短片,日前RB其中三位成員泥鯭、阿偉及阿正就在天后的Gym Room接受訪問,細談創作新歌的主題。

「我哋冇水平」

對於港人普遍工時長兼缺少運動,泥鯭表示希望透過創作呼籲大眾齊齊動起來:「今次同Manulife合作,為佢哋全新嘅Move Kit做咗首歌兼拍咗條短片,向大眾宣傳做運動嘅好處,同時提醒我哋,尤其嚟緊我哋就會開演唱會需要好多體力,所以呢個Move Kit係提醒我哋要做運動,保持體能水平。」旁邊的阿正就笑笑口說:「其實我哋嘅水平就係冇水平。」
阿偉笑稱他們平日沒有做運動:「我哋係由零開始,其實做運動有心係唔怕遲,由𠵱家開始做都得。」除了作歌外,四位成員亦專程拍MV,提到拍攝過程,阿偉說:「過程係好大挑戰,除咗要做運動,仲要有啲舞步要配合,講真我哋拍嗰日真係好多蝦碌。」泥鯭續稱:「跳舞呢樣嘢基本上係我哋入行生涯嘅第一次,仲要有排舞老師幫我哋去設計一啲動作,排舞老師已經好錫我哋,基本上幫我哋度嗰啲動作,我哋都可以做得到。」

開始錄新歌

講到九月舉行的演唱會,問到RB是否已開始操體能?泥鯭說:「我諗最需要操嗰個係我,佢哋其實個個都好弗。」除籌備演唱會外,RB透露同步制作新大碟:「幾位大哥終於做好啲歌,𠵱家開始錄音,暫時已經錄咗一半,希望盡快完成,因為演唱會有好多嘢要準備。」
採訪:曹家誠
攝影:陳俊強、廖達燊
場地提供:RY Fitness

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載