› 選擇地區
三藩市
紐約
洛杉磯
其他美國地區
香港 台灣 北美
 
2018年06月13日

拍檔送別封咪陪老婆
78歲何守信退休

蘭子依依不捨吻別何守信。

在69年加入無綫擔任體育節目旁述、被封為金牌司儀的何守信,昨日宣佈暫別娛樂圈,最後一次主持港台節目《開心日報》,其他主持陳淑蘭(蘭子)、梁榮忠及杜雯惠等為他舉行歡送活動,蘭子更依依不捨吻別對方。

8月返加國

何守信坦言今年78歲,很想放悠長假期:「做咗呢個節目七年,公司對我好好,不過自己一早預咗2018年下半年體驗完全唔做嘢嘅感覺,冇特別原因嘅。」他透露將於8月中返溫哥華,多些時間陪太太陳麗斯:「我哋9月會去黃刀鎮(Yellowknife)睇北極光,之後11月會去個長途啲嘅旅行。」
問到是否不再返港做節目?何守信笑說:「未有計劃,試吓唔做嘢係咪真係咁舒服先。三十幾年來都冇停過,以前我唔知早餐係乜嚟,到加入《開心日報》先改變我嘅生活習慣,日日早起。」他相信退休後不怕會悶,雖然做到老學到老,但不可以被一份工局限自己。

蘭子報課程

拍檔蘭子笑言自己是最遲知道何守信離職:「都幾突然,我仲覺得好似發緊夢咁,唔捨得,我叫佢一年好返嚟開咪啦。」蘭子主持節目多年,自言有社交恐懼症,以前很多工作都讓她感到壓力,但主持《開心日報》就很舒服:「好似屋企人,返嚟吹吓水咁。」最近蘭子更報讀文化創意,拓展自己潛能:「每個月喺中國上幾日堂,會去唔同地方。啱啱去完北京玩野外求生,班上我最老,不過我輸人唔輸陣,最後我都完成到呀。」
採訪:盧妹
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載