› 選擇地區
三藩市
紐約
洛杉磯
其他美國地區
香港 台灣 北美
 
2018年06月16日

軒仔燒烤叉港姐
過足反串癮

張敬軒前晚在紅館為一連六場的「HINSIDEOUT演唱會2018」揭開序幕,英皇老闆楊受成、新婚的鍾欣潼(阿嬌)和老公、容祖兒媽咪、溫碧霞、蔡一傑、鄭欣宜、JW及富二代男友Tarzan等捧場。
軒仔化身「降兩度」唱出《Crazy in Love》、泰文版《失戀》、印度語《Jai ho》、韓語《No Body》,唱完鄭欣宜的《女神》後,現場便奏起《香港小姐》音樂,有人出場替軒仔加冕及披斗篷,軒仔則拿着燒烤叉扮權杖向四面觀眾揮手飛吻,卻不慎踩到斗篷。之後,86歲的胡楓(修哥)和83歲的羅蘭為軒仔擔任嘉賓,修哥哼了幾句《愛是永恆》,羅蘭在台上向修哥說:「我一直喺下面等緊你呀。」修哥搞爛gag:「啋!我同你有排都未去下面啦。」兩位前輩落台後,軒仔換上露背紅衫紅褲,自嘲是「火雞」。

相關新聞:阿嬌遇老闆孖老公調位

提癌症友人落淚

軒仔前晚不避嫌唱出為密友關智斌作曲的《預言書》,他感性說:「舊年喺我嘅生活中,經歷比工作搵錢更加重要嘅事,經歷過幾次生離死別,好多謝大家支持,選擇睇我嘅演唱會,之前賣飛睇住黑洞表(絕望座位表),我都唔好意思。」軒仔分享曾跟一位末期癌症友人錄歌,對方每次錄歌前都要打嗎啡:「我應承過佢,將同佢合唱嘅歌收錄喺唱片帶上紅館,Toby我哋今晚上紅館。」跟着唱出《預言書》,中段時軒仔一度感觸落淚,甚至跪地獻唱。
首場演唱會邀得容祖兒撐場,祖兒攬着軒仔大叫好姊妹,他反問:「好兄弟唔得嘅?」軒仔更叫觀眾為祖兒預早唱生日歌,又搞笑拎果籃上台,送兩粒荔枝給祖兒,寓意跟荔枝一樣火辣辣,祖兒說:「我𠵱家好好火呀,你叫番降兩度出嚟battle。」軒仔大爆兩人以前花名:「叫番深水埗麥當娜,同旺角Beyonce出嚟!」

叫祖兒唔好亂講

祖兒笑軒仔騎劫其歌曲《黃色大門》:「騎劫咗我呢首歌,心儀乜乜乜。」軒仔即說:「你今晚你唔好諗到乜就講乜呀!」祖兒獨唱《笑忘書》後與軒仔擁抱,更發現對方臉上有淚水,祖兒說:「畀面你先嚟呢度,我見到『降兩度』就憎,係樂壇浩劫。我幾晚瞓唔到都因為佢,佢好大威脅,唔好再喺我面前出現。」
採訪:王連連
攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載