› 選擇地區
三藩市
紐約
洛杉磯
其他美國地區
香港 台灣 北美
 
2018年06月16日

夏雨兒子
道場真心話過招

明日是父親節,72歲的夏雨(原名:黃成)日前和29歲長子黃奕晨(Dixon)在銅鑼灣一個道場接受《蘋果》訪問講父子情。夏雨當年安排在溫哥華讀書的Dixon學習跆拳道,一學就愛上,Dixon現時已是黑帶三段,Dixon還即場教父親兩招自衞術,由囝囝扮賊人,教夏雨一旦遇襲可嘗試以左手按着對方膊頭,然後右腳踏前一步,同時以右手按對方膊頭,將對方壓低。之後Dixon忽然送上名貴鋼筆作為父親節禮物,夏雨難掩喜悅。
Dixon回港六年,一直跟父親一起住,但承認跟父親有點生疏:「大家喺屋企都各自各咁,好似有種隔膜,不過我都畀呢個父親100分滿分。」Dixon再鼓起勇氣,跟身旁的父親講心底話:「𠵱家成頭家你支撐住,我希望你有乜嘢問題,就算我幫唔到,但你想同人傾吓,可以同我分擔。」夏雨即感觸回應:「呢方面我係唔擅於表達,可能慣咗一個人解決,覺得講咗又如何,都幫唔到,唔係話攬頭攬頸嗰種,原因成長過程我唔喺身邊,的確唔係咁warm。」

勸阿仔婚後搬

夏雨又指,明白Dixon繼續跟他同居的心意:「明白佢為我着想,但自己唔係咁諗,每人行自己嘅路,而且一個人老咗好麻煩,要人照顧請個護士喺身邊就得,我成日同佢講,第日結咗婚就搬,始終老鬼同後生有代溝,一齊住好麻煩。」
採訪:小米
攝影:葉君海
場地提供:胡氏跆拳道銅鑼灣道場

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載