› 選擇地區
三藩市
紐約
洛杉磯
其他美國地區
香港 台灣 北美
 
2018年06月18日

麻木工作 陳家樂木訥講情傷

陳家樂昨日出席活動時,表示「呢刻講乜都冇用。」

陳家樂和余香凝的三年情忽然告終,外傳女方劈腿暗交保險高層新歡,余香凝強調對方僅是生意拍檔,所屬經理人公司亦發聲明否認偷食,指責報道失實。當日家樂現身拍戲時欲哭無淚,事後還在社交網撰文護舊愛。昨早家樂到沙田為護膚品牌宣傳,神情木訥,似乎仍飽受情傷困擾。

「發酵咁大」

昨日記者到場採訪,經理人公司事先張揚家樂不接受訪問,但最終家樂都有受訪。問到心情如何?家樂語氣無奈說:「我覺得其實呢刻講乜都冇乜用,都會有其他效果,𠵱家嘅人相信嘅事,係佢哋想去相信嘅事。我喺呢度最後講一次,事實係余香凝唔係咁嘅人,佢冇偷食,我哋係和平分手。」

問到是否很心痛舊愛被喪插?家樂說:「呢個唔係事實,一個女仔承受咁大壓力,我覺得唔可以。」有否安慰前女友?家樂表示兩人沒傾此事,因為明白對方要時間冷靜:「我想像唔到呢件事發酵到咁大,至於分手原因,我唔想講咁多,我哋係有共識嘅,大概係一個月嘅事。」他解釋之前隱瞞分手消息,是因為雙方有共識,完成手頭工作才公開。

雙手合十

正在上位的家樂,沒想過要放假散心,他說:「我想繼續工作,工作係最好嘅面對方法。」他更強調跟余香凝永遠都是好朋友,至於將來會否有機會復合,就遲些再算。追問會否再為分手事件傾談?家樂則雙手合十,由助手和保安護送入店舖,他現身時吸引大批市民圍觀,不時強擠笑容投入工作。
採訪:盧妹
攝影:林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載