› 選擇地區
三藩市
紐約
洛杉磯
其他美國地區
香港 台灣 北美
 
2018年06月18日

香香加國打高球證冇孕

加入無綫7年的岑麗香,為調理身體準備生B而於本月中約滿離巢。身在加拿大的香香昨回覆傳媒說:「呢幾日我同TVB約已經滿咗,我飛咗去加拿大,探屋企人,同時可以唞吓同放吓假,仲有好多wedding要參與。多謝你哋關心,我take完呢個break後,我叉好電就會返嚟香港同大家say hello同見面。」但言談間未有回應她是否懷孕,及有關她不滿被唐詩詠搶角色傳聞。
另外,香香昨日又在Ig分別發文,其中一段打高爾夫球的短片中,仍見她身形纖瘦,間接粉碎懷孕傳聞。她又撰文感謝無綫高層樂易玲、曾勵珍和余詠珊教導、鼓勵和給她機會,香香說:「我暫時畀心機同屋企人放假,讓身體回復最佳狀態!放完假再努力工作。」

至於唐詩詠與陳展鵬昨日在馬鞍山出席宣傳活動,詩詠回應傳聞指她取代香香演新劇女主角,令對方拒絕續約,詩詠澄清謂:「誤會嚟嘅!我都冇權去揀,呢啲係公司安排,我從來都唔知會演乜劇,我亦冇特別去關心佢唔續約嘅原因。」
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載