› 選擇地區
三藩市
紐約
洛杉磯
其他美國地區
香港 台灣 北美
 
2018年06月18日

江湖派對唱支歌
艾威:又唔係講數開片

艾威和吳國敬被目睹上周五晚到尖東帝苑酒店出席黑幫勝和元老「雞腳黑」(全名招國強)壽宴,當晚還有不少江湖朋友到賀,而警方亦派出多名反黑組探員到場監視,壽宴上吳國敬還被發現跟江湖人物林江及薯仔握手傾偈。

獲邀做表演嘉賓

記者昨致電艾威,他直認不諱說:「我當晚係去做表演嘉賓,入場之前啲差人都有同我打招呼,佢哋都問我係咪嚟做表演嘉賓。」出席江湖場合可會害怕?艾威說:「又冇乜驚唔驚,人哋生日唱歌畀人聽,開心嘢嚟,又唔係叫你講數,又唔係叫你開片,artist都應該冇乜分表演場合嘅。」
艾威指當晚是江湖大佬沙田Me(翟浩琛)邀他與吳國敬出席,而他跟沙田Me亦有點緣份,艾威說:「幾年前我啱啱開《無間道》(網劇),我啱啱識得佢,佢都有投資娛樂事業,開電影開演唱會,我就問佢介唔介意我新戲角色用你嚟做參考,我發覺佢一舉手一投足都好有戲味,佢話唔介意,於是乎同佢接觸多咗囉。我《無間道》個角色(雷爺)就參照佢做藍本。」艾威指沙田Me舉行過不少演唱會也有找他做嘉賓:「吳國敬都有好多演唱會係佢出錢出力去搞。」

「一定有江湖朋友」

吳國敬則表示:「呢啲係畀面派對,唱首歌賀人哋生日啫,出嚟娛樂圈打滾咁多年,一定有啲江湖朋友嘅。」說到沙田Me投資他開演唱會,吳國敬說:「有人請咪唱囉,有飯食,有工就開㗎啦。」至於沙田Me前年曾與林雅詩傳過緋聞,並被指是她所屬弘武電影公司的幕後老闆。
採訪:魯吉

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載