› 選擇地區
三藩市
紐約
洛杉磯
其他美國地區
香港 台灣 北美
 
2018年06月20日

玲玲叮囑整靚棚牙減是非
周秀娜見腮 難使男人錢

麥玲玲批周秀娜命中注定使不到男人錢,令她非常失望。

【玲機一動】周秀娜在劇集《宮心計2深宮計》中飾演皇帝馬浚偉(馬仔)的妃嬪,一出場就有床戲露膊兼晒腿。她早前為本報玄學節目「玲機一動」擔任嘉賓,接受玄學家麥玲玲訪問。玲玲師傅都大讚馬浚偉戲中艷福不淺,可以跟娜姐拍床戲,娜姐笑說﹕「真係相當唔錯呀!唐朝服裝係比較性感,既然胡定欣同馬仔都有(床戲),冇理由我冇啦,我咁愛佢。」

牙歪成日嗌交

麥玲玲講到娜姐本身「名氣運」旺,但名氣星跟是非星同等,要視乎變成吉星還是凶星。至於面相,玲玲師傅表示牙齒不靚是最大忌,她說:「如果得一筆錢,就要整咗牙齒先,唔係成日同人嗌交。牙同嘴靚,相對是非較少。」原來娜姐自細門牙是向內生,經過箍牙後現在牙齒變得整齊,嘴形變靚,所以娜姐向來是非不多。她反而關心自己何時出嫁,所以向玲玲師傅請教姻緣,玲玲笑批娜姐:「見腮骨使唔到男人錢。」娜姐聽後露出非常失望的神情,相信她只能靠自己。

被消失感抱歉

另外,早前有傳因為娜姐所屬公司跟無綫有官司在身,所以她「被缺席」所有宣傳活動,對於首次拍劇就出師不利,娜姐說:「戲份我諗就好難cut,我同每個對手都有感情關係,馬國明同蕭正楠查案,有案件我係牽涉在內,好難刪減,除非淨出我背脊啦!但只係覺得第一次拍劇,合作愉快,好對佢哋唔住,佢哋做晒宣傳,做埋我嗰份。」
採訪:嵐山
攝影:林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載