› 選擇地區
三藩市
紐約
洛杉磯
其他美國地區
香港 台灣 北美
 
2018年06月20日

一代玉女高橋由美子獲斟復出
全裸重演爆房床戲

現年44歲嘅日本女星高橋由美子曾經係當紅偶像,當年夥拍武田真治嘅偶像劇集《縮水情人》更曾在港播出,令高橋由美子屬90年代人氣玉女。

不過,高橋由美子近年形象直插谷底,佢今年初被爆搭上經營食店嘅有婦之夫,仲爆房斷正,不倫戀在3月曝光後,導致高橋由美子形象破產,不僅受盡千夫所指,其所屬事務所更同佢劃清界線,月前正式結束合作關係,據指高橋由美子不獲事務所續約,事實上等同被炒魷魚,今後在演藝界難以立足。

處於失業狀態嘅高橋由美子,由於形象欠佳,故當地電視台已唔再搵佢亮相,有傳媒爆料指,當地有導演打算斟佢復出,更想將呢段不倫戀拍成紀錄片電影搬上大銀幕,如果高橋由美子肯親身上陣,導演望原汁原味把內容重現幕前,更游說女主角全裸演繹呢段情慾關係,有圈中人估計,冇工開嘅高橋由美子接拍呢套戲復出都唔係完全冇可能。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載