› 選擇地區
三藩市
紐約
洛杉磯
其他美國地區
香港 台灣 北美
 
2018年06月30日

黃百鳴:我對家駒有感情

Beyond曾與黃百鳴拍《開心鬼救開心鬼》,展現搞笑調皮一面。

Beyond跟黃百鳴有何關係?就是新藝寶唱片公司。當年新藝城除了搞電影外,曾經與當時的寶麗金唱片公司合資組成新藝寶唱片公司。當年黃百鳴睇好Beyond這隊地下樂隊,於88年跟他們簽約,他說︰「當時有好多有份量藝人包括許冠傑、張國榮等,但我哋要捧啲新人,所以將一隊地下樂隊捧上枱面,就係Beyond。」
雖然Beyond跟新藝寶的賓主關係只是短短幾年,但Beyond在這段期間創作了不少經典歌曲如《喜歡你》、《真的愛妳》等,其後更開始拍電影,黃百鳴說︰「Beyond係新藝寶嘅歌星,我哋拍嘅戲梗係搵佢哋演出,第一部係賀歲片《吉星拱照》戲份唔多,第二部係《開心鬼救開心鬼》。拍佢哋四個,我只要同一個人講就得,就係家駒。家駒喺佢哋當中係大哥,佢講乜三個都聽,合作過程非常順暢,容易過我拍開心少女組㖭。」
回想往事,黃百鳴感慨說︰「嗰段日子,我哋係經常合作,後來佢哋滿約,先至過去日本嗰邊,我記得當時我都有去日本探過佢哋一次,好不幸一個遊戲節目令家駒走咗,所以我對家駒都好有感情。」
採訪:羅婉玲

相關新聞:【再見理想】遺願開巡迴騷

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載