› 選擇地區
三藩市
紐約
洛杉磯
其他美國地區
香港 台灣 北美
 
2018年06月30日

與羅傑承冇愛情 話題只剩女兒及工作
梁芷珊難受:我提出離婚

【《蘋果》專訪】今年羅傑承與梁芷珊驚爆已離婚,15年婚姻劃上句號。有報道指羅傑承因為與老婆性格不合,去年提出離婚,而梁芷珊為了挽救婚姻,失眠暴瘦。不過事實是,芷珊忍受不了與丈夫變成二十四小時的工作拍檔,完全失去了愛情感覺,由愛人變了家人,惟有換個形式去愛。

相關新聞:前度練海棠是伯樂 甩拖後填出代表作

家人關係

昨日踏入50歲的梁芷珊,接受《蘋果》專訪首談離婚,還前夫一個清白︰「離婚其實係我提出,羅生有少少講笑同我講,話做乜話畀人聽係佢提出。我喺呢度作一個澄清,係我提出離婚,跟住我哋好和平。我哋分開之後,舊年5月仲合作開新project,雖然後來project冇咗,anyway幾開心有新關係,我哋真係家人,再見亦是家人,因為個女,我哋永遠友好。」
當兩夫妻之間,話題只有工作及女兒,芷珊覺得難受︰「乜嘢係愛情?兩個人應該有共同計劃同追求,唔關有冇錢事,當一段感情太過穩定同太過長,就冇咗兩個人冇咗火花!」
芷珊又說:「冇咗愛情感覺,或者對羅生嚟講唔重要,可能有啲人感覺賢內助就係愛情,我信任你就係愛情,但每個人唔同,我對羅生講,我哋每個對話、電話,都係關於工作同個女,唯一維繫我哋婚姻只係工作,呢樣唔係我最想要!」

重新戀愛

芷珊坦言愛情很重要,回復單身後,她與細自己11年的法籍混血廚師Olivier再譜戀曲,重新戀愛,要克服不少心理關口︰「我成世人都未試過同外國人拍拖,又成日諗,當佢(Olivier)49歲時,我60歲喎,得唔得㗎?後來知道佢係法國同德國混血,比較理智同感性,大家諗法好夾。我好欣賞佢,工作獨當一面,同佢一齊令我有正能量。」戀愛就是對的時候遇上對的人,年齡、種族統統都不是問題。
採訪:余燕儀
場地提供:Spark Bar & Restaurant

相關新聞:做過模特兒拍過戲梁芷珊自揭成為才女之路

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載