› 選擇地區
三藩市
紐約
洛杉磯
其他美國地區
香港 台灣 北美
 
2018年07月02日

受勳開心獲認同
羅家英請阿姐睇波慶祝

汪明荃前晚在廣州開騷,在後台對着螢幕中的羅家英拍手。微博圖片

特首林鄭月娥敲定的首份授勳名單,昨日政府公佈演藝界的羅家英、惠英紅和名人陳細潔同獲銅紫荊星章,安德尊獲榮譽勳章,足球評述員何靜江獲行政長官社區服務獎狀。家英哥前日與太太汪明荃(阿姐)完成「汪明荃50周年演唱會」廣州站,記者昨問到家英哥受勳心情時,他說:「梗係開心啦,得到社會認同我對粵劇界嘅貢獻同我做嘅嘢。」講到阿姐04年已獲頒銀紫荊星章,家英哥笑說:「係呀,跟住佢尾囉!」

「我畀機票錢」

稍後家英哥會與明星足球隊到俄羅斯睇世界盃決賽,阿姐亦會陪家英哥睇波,問到阿姐捧哪一隊冠軍?她說:「法國啦。」至於家英哥就謂:「好多隊都踢得好好,我就希望決賽嗰日係比利時對英格蘭。」今次是ViuTV請明星足球隊到俄羅斯睇決賽,及於決賽前在俄羅斯做《Good Night Show全民星戰》直播派對,但家屬機票就要個人自負,家英哥說:「阿姐張機票幾萬蚊,我畀錢請佢去㗎。」據悉當晚直播派對除譚詠麟、梁漢文、許志安、羅家英等二十多人外,曾志偉也會出席,亦是他首次以嘉賓身份在ViuTV節目亮相。

何靜江「開心」

陳細潔出任保良局董事會委員多年,對於受勳她昨表示開心,揚言會繼續服務社會。今年4月陳細潔卸任保良局主席,她表示已轉任顧問:「我哋一日係保良,一世都係保良,所以一直都會做落去。」至於74歲的何靜江講波講足44年,是現時唯一一位仍然講波的70年代足球評述員,對於獲嘉獎,何靜江昨說:「我何德何能吖!都係服務大眾箒。」可感到開心?他說:「梗係開心啦,有人認同吖嘛。」
採訪:魯吉、唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載