› 選擇地區
三藩市
紐約
洛杉磯
其他美國地區
香港 台灣 北美
 
2018年07月03日

祖兒出道20周年操弗開騷

祖兒表示已經為明年個唱入紙紅館。

容祖兒前晚與李克勤、劉愷威、關菊英、吳業坤及王灝兒(JW)等到紅館出席慶回歸晚宴,祖兒表示早前去日本觀賞玉置浩二演唱會,日前才返港,她說:「每一個我哋呢代嘅人,都視玉置浩二為神級歌手,喺香港未睇過,所以就問公司攞咗幾日假飛去睇。」
明年是祖兒出道20周年,忙於籌備開騷的她,會否20周年開20場?祖兒擰頭說:「唔會啦,我上次開15場,體力一定要練吓,因為上次開騷都病。諗都唔敢諗20場,16場啦,16都代表我(6月16日為祖兒生日)。」最近有傳她豪花兩億買樓,她只說:「你下次見到我媽咪,等佢回應啦。」

劉愷威講囡囡

劉愷威跟關菊英合唱《講不出聲》,受訪時問劉愷威是否很久未試過在香港唱歌時,他說:「唱卡拉OK啦,紅館嘅話就係5月嗰陣同新五虎喺基仔演唱會上重聚,今次大會邀請我,知道係紅館梗係𧄌飯應啦。」提到他日前在《跨界歌王3》,講起囡囡小糯米時落淚,他解畫:「唔係喊晒嘅,因為每個父母一講起自己啲小朋友,加上嗰個節目好煽情,所以係開心感動。」會否讓女兒看?他說:「佢仲細,不過我都有畀佢睇我唱歌嘅片,佢都鍾意唱歌跳舞嘅。」會否培育小糯米唱歌的興趣,他表示要順其自然,又說:「唱歌佢好鍾意唱,跳舞真係唔知佢喺邊度遺傳。」
同場帶傷上陣的李克勤,完騷後要人扶落台,其助手透露克勤前晚落車時拉傷腰,觸發舊患,患處無論坐或起身都好痛,但克勤因為早已答應演出,所以顧不得也上台表演。
採訪:馬建華
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載