› 選擇地區
三藩市
紐約
洛杉磯
其他美國地區
香港 台灣 北美
 
2018年07月06日

新手父親略清減
黎明共享珍惜家人金句

黎明的助手女友Wing Chan自從今年4月為他誕女後,近月來絕迹公開場合。昨日,清減了的他心情靚爆出席「香港年金」活動。作為宣傳大使的他,更化老妝拍攝宣傳片及唱主題曲《下半場》。

幫子女儲錢發呆

大會昨日即場播出宣傳短片,片中黎明化了老妝與其他老人家吹水玩遊戲,其間有婆婆問他︰「你好似四大天王?……黎明。」叔叔更即說︰「一樣咁靚仔。」而貴為「金句王」的黎明,亦趁機大派金句:「退休就係使錢的遊戲!」閒談間,公公婆婆坦言不會靠子女供養,更要幫他們儲錢,令剛剛榮升父親的黎明呆了一呆,若有所思。
談到為下一代儲錢,黎明亦有感而發︰「我喺年金公司開會時講過,其實做人仔女嘅可以買畀爸爸媽媽,因為做父母好辛苦,儲錢畀仔女供樓上車,但過咗一段時間啲錢唔夠!」

對全家福感陌生

現場佈景板以黎明宣傳片的全家福作主題,司儀車淑梅問他見到全家福有甚麼感覺?黎明說︰「好陌生,其實個個都唔識,瞬間就坐埋一齊話影張相。我嘅全家福影像,係我小時候嘅視覺觀察,因為我自小父母離異,自己眼中,我只係望人哋嘅全家福,我個人好講感覺,全家人坐埋一齊,中秋節、20度,坐喺磚頭屋入面食嘢,呢個場景已經好溫馨,影嗰張相嘅背後有40個人喺度,好難幻想。」
當問到是否享受一家人相處?黎明又出金句:「與其享受,不如自己去尋找同珍惜。」黎明臨走前,聽到車淑梅恭喜他,亦笑住多謝對方,可見他對小生命的降臨,也難掩喜悅。
採訪、攝影:盧妹

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載