› 選擇地區
三藩市
紐約
洛杉磯
其他美國地區
香港 台灣 北美
 
2018年07月07日

黃智亨欣賞似《多啦A夢》
郭子健瞓住睇 讚《蟻俠2》人性化

郭子健(左)與黃智亨首次現身《蘋果》娛樂節目《關你影視》,其間兩人妙語連珠評新片《蟻俠2》。

【關你影視】電影導演郭子健及黃智亨於前晚首播的《蘋果》娛樂全新節目《關你影視》第一集中,齊齊開live評《蟻俠2:黃蜂女現身》(Ant-Man and the Wasp)。郭子健指自己睇《蟻俠2》時睡着:「瞓係一個指標嚟,如果我只瞓五分鐘,套戲已經好OK,睇動作片我一定瞓。」
郭子健大讚《蟻俠2》劇本:「蟻俠特別搞笑、輕鬆,好似凡人一樣有缺陷。全部戲裏面啲人都好自私,蟻俠趕住返屋企,因為假釋要𥄫佢,穿越時空因為搵老婆!」蟻俠平民化、人性化,有別於大仁大義的英雄人物。

尚未到位

談到DC電影拍來拍去都不成功?郭子健說:「DC有格調啲,無論宇宙觀,以至人物成長,裏面每一個細節,但DC陰暗、成熟啲,Marvel就似細路,顏色七彩繽紛,簡稱鬼五馬六,但真人化之後變成Marvel嘅一種風格。但DC冇將佢變成風格,反而成為累贅。」更直指劇本出事:「古仔亂咁度!」
黃智亨亦附和:「佢成個電影宇宙搵唔到定位,Christopher Nolan拍得太好,咁佢個tone跟唔跟好?結果𠵱家跟少少,又唔跟少少,後來變到啲人鬼咁嚴肅,但個故事又鬼咁弱智。」

意想不到

黃智亨又坦言對《蟻俠2》很欣賞:「幾得意嘅係佢將一集15分鐘嘅《多啦A夢》拉長咗,一支放大縮細槍……佢玩足兩個鐘畀你睇,估佢唔到!」他特別鍾意將大廈縮到變手拉行李:「如果放到現實就解決香港好多問題!」
採訪:何德
攝影:林賓尼
場地提供:九龍灣展貿星影匯戲院

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載