› 選擇地區
三藩市
紐約
洛杉磯
其他美國地區
香港 台灣 北美
 
2018年07月07日

最年輕星二代行騷?
小愛遺傳阿媽長腿巴黎行catwalk

呢期唔少星二代去咗巴黎行騷,因為演出韓國育兒節目《超人回來了》而為人熟悉嘅「得意妹」秋小愛近日亦都首度亮相巴黎行騷,唔知算唔算係最年輕嘅星二代行騷呢?今年10月小愛就7歲嘞,佢遺傳咗模特兒媽咪矢野志保嘅優點,年紀輕輕已擁有一雙長腿,有望步阿媽後塵以模特兒入行。

而近日小愛唔使等大個咗先做模特兒,仲首度踏上天橋,小愛喺法國時間嘅4號,喺巴黎做模特兒行騷,唔知佢係唔係習慣面對鏡頭,所以行騷時一啲都冇怯場,仲表現得好專業,睇嚟媽咪畀咗唔少貼士佢,而小愛爸爸秋成勳亦有親到現場睇愛女處女行騷。

另外,現時小愛同父母已移居到夏威夷居住,有指因為矢野志保喺節目上談及教導女兒嘅放任式教育受到抨擊,所以有傳佢哋先移搬到夏威夷住。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載