蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月10日

孫耀威鬧爆講大話借衫去飲
馬天佑耍冧「會親自道歉」

22,004

孫耀威(Eric)前年與友人投資近千萬,在尖沙嘴開設高檔禮服訂製專門店,昨日他在社交網嬲爆貼文:「剛剛發現一位所謂藝人來我店借西裝,說是去"CHANNEL"活動,原來只是去馬來西亞參加朋友婚禮!其實你不用講大話啦。告訴我們真實用途就可以了!這樣不是更顯得你的低手嗎?我送畀你都得啦馬先生!」雖然Eric未有開名,但明顯矛頭直指剛與好友吳千語去馬來西亞,參加當地億萬富商陳志遠大女陳雪玲婚禮的馬天佑。

「唔想益佢」

Eric貼文後,不少好友留言「猜猜馬是誰?」有人指一定不是馬浚偉,因他沒時間去飲,又有人估是馬國明,就連謝安琪都留言:「Channel V?」鄧健泓和老婆石詠莉就一唱一和,鄧健泓寫道:「I never lie to u. I am good.」石詠莉則回應說:「乖!」但Eric堅持不開名,還留言:「我不在page post已經仁至義盡,不想有新聞,益埋佢!」
昨日《蘋果》聯絡Eric了解,問到是否鬧馬天佑及將來會否再借服裝予對方?Eric表示:「唔回應。」而原本在fb的帖文亦消失不見,未知他是否取消公開,還是刪帖。

「同事做錯」

被指講大話借衫的馬天佑回應《蘋果》時,自動對號入座,承認是Eric口中的「馬先生」。他解釋:「我啱啱由馬來西亞返香港,已經即時向同事了解,證實咗的確有件咁嘅事。」他再謂:「我之前真係唔知道,我喺公司試嘅時候,冇問清楚西裝係如何借返嚟,就攞咗出trip。不過點講都好,咁樣做係好唔啱,我喺呢度衷心同Eric道歉,亦都已經同同事講咗,唔可以再有同樣嘅事發生,今次件事真係好對唔住,我會再親自同Eric道歉。」
採訪:小米

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載