› 選擇地區
三藩市
紐約
洛杉磯
其他美國地區
香港 台灣 北美
 
2018年07月20日

避談小小超 三子鼓勵拍戲扮超人
梁洛施自嘲魔鬼媽咪 全面復工

梁洛施(Isabella)為小小超李澤楷誕三子後,一直專心湊仔,上次涉足演藝圈工作,已經是14年和詹瑞文合作演舞台劇。Isabella昨日正式復工,聯同周汶錡、蔣怡等人出席護膚品牌活動。叉足電的Isabella容光煥發,講工作及三個兒子皆有問必答,還自稱魔鬼媽咪,表示囝囝都撐她復工。惟涉及舊愛小小超及感情問題即封口。

相關新聞:【四眼男伴】梁洛施帶兒子會男友

上月23日剛度過30歲生日的梁洛施,自10年誕下孖仔H&N後,一直專心照顧兒子,只於13年復出拍過張艾嘉電影《念念》,以及14年和詹瑞文合作演舞台劇《快樂勿語》。上月Angelababy經理人Kim在社交網貼她的相片,表示二人將有合作,暗示Isabella將會復出。
昨晚Isabella終於復工,聯同周汶錡、蔣怡、黃芷晴、姜麗文等人,出席護膚品牌Clé de Peau Beauté「鑽光水凝氣墊粉底」發佈會。穿上全白色衫褲的Isabella,拍照後即接受傳媒訪問,她說:「𠵱家係全面復出,自己都係獨立女性,所以都要做嘢,我係Woman power同Girls power!」問囝囝會否黐身?Isabella笑謂:「唔會,都大喇,8、9歲有自己朋友,佢哋都有帶朋友返屋企睇戲,我就播《Mummy 3》(盜墓迷城3)畀佢哋睇。」

斟緊拍電影

提到三個寶貝兒子,Isabella滔滔不絕,又說兒子都鼓勵她工作。她透露:「𠵱家有幾部電影傾緊,嚟緊會公佈,另外有綜藝節目。」她又表示:「都會接多啲戲,可能拍吓類似超人片!」問她想做甚麼角色?Isabella即笑稱:「Cool啲嘅,佢哋喺屋企都叫我做魔鬼角色。」
問Isabella會否拍親子綜藝節目?她表示不會,因為不想牽涉小朋友。是否不希望兒子曝光?她坦言:「唔會曝光,不過自己鍾意玩,想有新嘗試,好玩就得!不過你哋都影過啦!」至於是否跟Richard(李澤楷)有協議,不讓兒子曝光?Isabella即封嘴謂:「私人嘢唔答喇!」

相關新聞:【港姐女友】小小超拖郭嘉文外遊

囝囝作伴侶

去年Isabella被影到和中年四眼男拍拖食飯兼咀嘴,昨日問她感情狀況,她依然封口不談:「呢啲唔答喇!」問她會否在30歲新開始找一個伴,她便耍太極謂:「30係年齡嘅數字,佢哋(囝囝)咪係我個伴囉,係終生朋友加囝囝。」囝囝沒催促你拍拖?她笑說:「佢哋成日叫我拍乜拍乜,叫我拍戲囉!」
另外,蔣怡昨晚亦是生第二胎後首復工,她說現在仍餵母乳,目前仍未收身。問囝囝改名未?她透露:「叫翁羽,有兩個羽,有毛有翼識飛,英文名叫Skye,男仔可以畀佢飛遠啲,唔似女仔咁黐身。」周汶錡則表示活動後會和老公及大兒子飛法國探爺爺及嫲嫲,她說:「老公唔捨得個細,想改機票cut短行程,但因為改機票好煩,不過𠵱家有facetime都唔怕!」
採訪:張俊銘
攝影:林賓尼

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載