蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年07月23日
馬上成為壹會員

同大劉嘈交後人氣升
Diva內地搵銀辛酸 忍尿6粒鐘

【《蘋果》專訪】𡃁模許珮榆(Diva)日前在銅鑼灣希慎廣場邊行邊睇手機,因而與護子心切的「大劉」劉鑾雄發生口角,被大劉指是整容怪物兼整容N次,兩人當眾唇槍舌劍,成為城中熱話。其實去年網上已經流傳一段Diva在港鐵不甘被阿叔非禮而嘈交的短片,原來與阿叔當眾「開波」,對Diva來說並不陌生。

搭港鐵被非禮

日前Diva於清水灣為《蘋果》影水着相,她有重提與港鐵阿叔口角一事:「當時自己着露腰衫,個大叔不斷用手摸我、非禮我,我退後叫佢唔好再摸,佢唔認,叫佢講對唔住,佢唔肯,因為趕住去做嘢冇報警。我想呼籲女性唔可以驚,一定要出聲,下次一定追究到底。」
現年27歲的Diva擁有35D身材及混血兒外貌,祖父是葡萄牙人,外婆是新疆人。Diva於09年拍攝青春劇《四葉草:南華夢飛翔》出道,曾簽約模特兒公司成為陳靜(DaDa)師妹,13年推出寫真,前年參加ViuTV選美節目《美選D.n.A》。Diva現活躍於內地及東南亞登台,一年大約有50場演出。

傳入過懲教所

Diva近年於內地不同城市登台,連飲歌都是內地hit歌,她說:「我都希望有自己歌推出,喺內地工作算辛苦,試過要到茂名,因為冇飛機直達,要坐車6個鐘,試過尿急都唔敢去內地街上嘅洗手間,要較為乾淨先至夠膽去。」展望將來,她希望可以在香港拍電影。
另外,有傳Diva於08年入過勵敬懲教所,她昨日回應:「我真係冇入過懲教所,亦冇生過小朋友。我細細個識咗個男友,由16歲同佢拍拖到23歲,佢喺夜場做嘢,佢同老婆離婚,老婆走咗,佢有個小朋友,有叫我媽咪,我𠵱家都會見吓個小朋友。」
採訪:張俊銘、陳杰

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載