› 選擇地區
三藩市
紐約
洛杉磯
其他美國地區
香港 台灣 北美
 
2018年08月02日

張繼聰呻帶妻兒旅行攰

張繼聰聽到雨僑呻旅行辛苦,不禁分享帶同囝囝去日本的經歷。

張繼聰和雨僑等昨日到荔枝角出席餐廳開幕,剛和老公羅力威度蜜月返港的雨僑,早前上載多張性感泳照到社交網,全部由老公操刀,她說:「婚後到𠵱家先有時間去旅行,啱啱去完沖繩石垣島。」她又透露旅行後老公身心疲累:「又要招呼我,又要幫我影相,而且相機器材好重磅。」雨僑又表示羨慕阿聰有一對仔女,但擔心有小朋友時,就不能周圍去,她說:「如果要帶埋小朋友去,成個旅行就變咗外展課程。」

在旁的阿聰就笑指這些只屬初階:「第日要帶BB車去旅行先係體能挑戰,有一年我同老婆仲有個仔去日本,地鐵站冇升降機要行樓梯,老婆抱住個仔,我一個人單手拎住BB車同買咗嘅嘢行上地面,日本人見到都嘩嘩聲。」
採訪:曹家誠
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載