› 選擇地區
三藩市
紐約
洛杉磯
其他美國地區
香港 台灣 北美
 
2018年08月03日

Stephy恨孖王子情侶檔搵錢

有舞蹈底子的Stephy想做動作演員,她自言最崇拜楊紫瓊。

電影《L風暴》將於本月23日開畫,片中唯一女主角鄧麗欣(Stephy),飾演一名錯誤指控古天樂的私影模特兒。日前Stephy接受《蘋果》訪問,她表示片中要捱高溫着褸跑,幾分鐘戲拍足一整天,Stephy說:「啲車喺我身邊飛嚟飛去,大家唔想有任何意外發生,所以擺機位同排練都好耐。我自己冇乜經驗,所以都好謹慎聽指示,自己都有少少怯。」片中她與古仔關係微妙,那麼古仔榮升影帝後,演技跟以前有否分別呢?Stephy笑言:「我同佢拍嘅時候佢未做影帝,佢梗係有做影帝潛質,我一早就貼佢。」

Stephy與男友邱勝翊(王子)同是演員,兩人希望合作嗎?Stephy說:「有機會都一定會,如果大家有同樣話題更加好,幕前合作唔抗拒,最重要係劇本啱。」那麼會否組成「情侶檔」搵錢,Stephy一樣持開放態度:「我覺得都要揀,有錢齊齊搵都唔錯,暫時未有人斟,我有諗係咪情侶檔,就算係電影同品牌,品牌都唔會亂搵代言人,都要適合先得。」
採訪、攝影:張俊銘
服裝提供:Bally
場地提供:小喇咩

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載