› 選擇地區
三藩市
紐約
洛杉磯
其他美國地區
香港 台灣 北美
 
2018年08月03日

陳柏宇老婆大肚走樣「可愛肥豬」呵番

陳柏宇(Jason)日前孖陀着B女的老婆符曉薇(Leanne)到大坑開餐,同行還有一位女友人做電燈膽,離開時遇見熱情粉絲要求合照,Jason任影唔嬲。

面圓胸部勁升

Leanne已經懷孕七個月,不過Jason好放心,沿路行去取車總是走在前面,拋離大肚老婆幾個身位,老婆就與女友人邊行邊傾。Leanne除了肚大如籮,胸部更勁升cup,面龐都變得圓潤。當記者上前邀請二人合照,兩夫婦都好nice笑對鏡頭。
當日Jason駕駛價值167萬的靚車接載老婆,翻查車主登記發現靚車並非他兩夫婦名下,事後Jason接受本報電話訪問解釋:「我架車入咗廠呀!check up、裝吓啲cam咁,因為冇車揸,廠嗰邊借架車畀我揸之嘛。」
問小公主出世後會否買家庭車代步?Jason表示:「生B後都唔會買新車,𠵱家架車幾好,好滿意。」至於本來是索模的Leanne懷孕後身材走樣,早前亦在社交網貼舊相呻:「失蹤咗個身材已經幾個月,而且每次照鏡都見到肥豬王,有一次照完鏡我問陳生,我𠵱家似唔似豬西?佢竟然話其實你不嬲都係咁,係咪想殺咗佢?」問Leanne肥了多少?她以短訊回覆本報:「肥咗二十幾磅呀!但Jason有讚好可愛!」

大S怒掟拖鞋

此外,徐熙媛(大S)最近和老公汪小菲拍攝內地真人騷節目《幸福三重奏》,被網民抨擊愛哭又造作。大S在日前播出的一集中炮製獨門咖喱飯給大家吃,還盛了一碗飯給自己,豈料汪小菲事後竟說:「老婆你吃那麼多不脹嗎?」激到大S即時向他掟拖鞋。
採訪、攝影:朱志聰、黃曉程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載