› 選擇地區
三藩市
紐約
洛杉磯
其他美國地區
香港 台灣 北美
 
2018年08月04日

封胸退隱 做小富婆
莊端兒怕被男人呃

【《蘋果》專訪】莊端兒(Xenia)五年前以香港珠寶小姐選美出身後,開始由模特兒轉職做藝人,雖然先後簽過不同經理人,但發展依然浮沉沒起色,只憑緋聞是非而受注意。Xenia兩年前與前老闆諸葛紫岐的合約糾紛至今仍未解決,幸好Xenia有富貴媽媽力撐,讓她繼續發展自己路向。

緋聞失工作

近日Xenia決定退隱幕前,投資六位數字開咖啡店,她除向餅房總廚蘇東坡學師外,更學咖啡拉花、整小點甚至做侍應。Xenia學拉花後,品嚐屬於自己的咖啡,她大感滿足:「我𠵱家想經營一間咖啡店,仲有一條好長嘅路要行。」
Xenia曾出寫真大賣35E身材,對於突然煞停封胸,Xenia說:「同公司想法理念唔一致,我都要諗吓自己係咪唔適合呢行,可能自己都有問題,所以停落嚟諗吓應唔應該再做幕前。曾經唔開心,點解會因為緋聞冇咗單工作同贊助商,覺得好唔抵。」

靠媽首置業

在媽咪全力支持下,Xenia決定脫離公司。莊媽媽做地產生意,投資有道,Xenia在18歲時,已經擁有自己物業,沙士時期買樓,一早供甩,Xenia說:「第一次買樓好記得畀8萬首期,新樓推出,仲可以碌卡,買埋車位,係媽咪為我哋安排。」Xenia亦開始全力向房地產發展,學媽咪做小富婆。
說到感情生活,Xenia在三年前與張致恆戀情浮面再甩拖,再曾跟太陽娛樂老闆洗米華(周焯華)傳緋聞,她表示至今還未有真命天子出現。難怪受訪時,Xenia慨嘆搵男友甚艱難,同時又怕揀錯對象:「好驚自己蠢蠢哋俾人呃。」
採訪:卓寶花
攝影:陳慧安
場地提供:white button cafe

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載