蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月05日

單親媽媽希望再結婚
楊思琦:囡囡早知冇爸爸

128,883

母親的抉擇,就是一條不歸路!楊思琦01年獲港姐冠軍入娛樂圈,與李泳豪拍拖9年,11年宣佈分手,原來她暗撻「空心老倌」吳帥,更珠胎暗結。12年她停工遠赴美國未婚產女,誕下女兒楊卓穎,不經不覺女兒已經6歲大。思琦直言:「個女早知冇爸爸,我同佢解釋過好多次。」所以思琦給女兒雙倍的愛。雖然感情路不平坦,但思琦身邊不乏追求者,對婚姻仍有憧憬。

相關新聞:【寫真帶挈】進軍內地搵真銀

單親媽媽楊思琦,自女兒楊卓穎(Krystal)在12年出生後,有了更明確目標,幾年來為了供書教學,她不停中港兩邊跑,努力賺錢,女兒Krystal看在眼內,都知道母親為了自己辛苦工作,所以特別懂事。日前楊思琦接受梁泰來主持的商台節目《1圈圈 星光背後》訪問,被問到Krystal有沒有問過她爸爸的事情?思琦坦言︰「個女一早知道冇爸爸呢回事,我一早已經同佢解釋過好多次,佢思想好成熟,會明白嘅。」

加倍錫囡囡

思琦透露,女兒入學後,每次遇到「我的家庭、媽媽、爸爸」的課題,都不會刻意問她:「自幼稚園開始,佢俾人問家庭有乜成員,要畫出嚟、講出嚟,佢都知道我哋係冇爸爸呢個角色。所以我哋屋企人就盡量畀多啲愛佢,關心多啲。若將來佢想知道生父係邊個,我都會講,呢個係好正常嘅事。」思琦說為了彌補女兒缺乏父愛的缺失,她會加倍寵她、保護她,絕對是個二十四孝母親。

相關新聞:【活潑精靈】囡囡表演慾強愛音樂

不乏追求者

思琦誕女後身邊一直不乏追求者,她說單親媽媽沒有成為她感情發展絆腳石,其中更有追求者向她提出,可以在經濟上支持她兩母女的生活,不過思琦就覺得一手一腳養大女兒,對她來說更有意義。後天踏入40歲的思琦,今年出寫真集分享她多年心路歷程,儘管經歷感情挫敗,但難得她還能保持着一顆少女心,她表示希望可以遇到真命天子︰「如果女兒批准,我都會考慮拍拖,甚至不排除結婚。」
昨日思琦帶囡囡到銅鑼灣出席活動,Krystal十分開朗活潑,除了與母親上台一起齊玩遊戲外,更精靈滿場飛。思琦指囡囡將放完暑假,所以把握時間陪她:「佢鍾意英雄卡通人物,覺得有正義感,知道我會出席呢個活動都話要嚟,佢睇完卡通電影就買書睇,都有文靜嘅一面。每次外出工作都好唔捨得佢,所以喺香港大部分時間都用嚟陪佢,我係佢專屬司機、攝影師。佢最近好鍾意影相,成日學人擺甫士,有時我都頂佢唔順。」
採訪:王連連
攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載