› 選擇地區
三藩市
紐約
洛杉磯
其他美國地區
香港 台灣 北美
 
2018年08月07日

熊黛林囡囡百日
「好似大個咗唔需要媽咪」

熊黛林(Lynn)於今年4月榮升媽咪,為老公郭可頌(Ken)誕下一對孖女,轉眼囡囡出世已經100日,Lynn趁機宣佈孖女英文名為Kaylor及Lyvia,跟父母英文名頭一個英文字母一樣。其實Kaylor有「裁縫」的意思,而Lyvia則代表「生命力」,大概熊黛林是希望囡囡身體壯健,長大後成為時裝設計師。

少扭抱失落

前日熊黛林夫婦於香港遊艇會筵開15席,為一對小公主舉行百日宴,出席的賓客包括郭可頌家姐郭可盈、姐夫林文龍、甄子丹老婆汪詩詩、名模琦琦、楊千嬅老公丁子高、著名公關鄭紹康及熊黛林經理人Kim。百日宴現場以粉紅及粉藍色佈置,沿樓梯掛滿波波,回禮禮物則以粉紅、粉藍色手袋形盒子裝着樽裝糖果,充滿心思。
對於為孖女舉行百日宴,熊黛林昨日回覆時表示孖女比初生時較少扭計:「之前佢哋鍾意扭抱瞓,又一日喊到黑,𠵱家突然少咗,又可以自己上床玩玩吓就瞓,反而令我有少少失落感,好似大個咗唔需要媽咪啦!不過都好開心,佢哋越嚟越大個,會有更多嘅交流,𠵱家𠱁佢識笑。」
同一時間湊兩個BB確是不容易,熊黛林自言很幸運:「媽咪過咗嚟幫我手,奶奶又成日嚟幫手湊,壓力冇咁大。一開始好辛苦,一晚起幾次身,仲要輪住嚟,一個食完另一個又要食,初生BB兩個鐘就要餵一次,真係好辛苦,冇覺瞓,瘦咗好多。」

老公負責玩

問到老公郭可頌有否幫手湊孖女?熊黛林體貼地說:「有幫手湊,但佢工作太忙,有兩個女更加要努力去做嘢,喺屋企見到我忙就會主動幫手照顧,佢已經盡咗力。不過老公主外,搵錢就得,我去打理頭家,唔使佢落手落腳去湊,佢同BB玩就好啦!」
採訪:葉綠悠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載