› 選擇地區
三藩市
紐約
洛杉磯
其他美國地區
香港 台灣 北美
 
2018年08月10日

【add人物】李玟態OK

43歲天后李玟今年入行25年,走過四分一世紀的歌手路。她上周難得回港受訪,坐在Lane Crawford的VIP房內,輕鬆講講心底話。回想93年新秀時的歌星夢,與今日仍未成功的打針造人大計,李玟總是開懷大笑,「低潮期絕對有,我都係一個普通人,但我選擇唔去諗遺憾,我會同自己講:You will be OK!」為演唱會的馬甲線,一日做七百次sit up,看老人廣告可以哭得一塌糊塗,樂觀背後,李玟其實也是擁有超強意志的感性女人。

撰文:林妙萍
攝影:郭賢興
服裝、場地提供:Lane Crawford(ifc)

李玟近年主攻內地,與美國、香港三地走。她早前回港在中環Lane Crawford舉行Good Feels講座,分享正面積極的人生態度,家姐Nancy伴在身邊,富豪老公Bruce亦低調在場支持。

有幾苦都不要怕

經常笑臉迎人,樂觀、自強不息的性格原來和她單親家庭長大有關,「我出生前,爸爸已經過身,媽咪一個女人要養大三個小朋友,好辛苦,she did it!有幾苦都不要害怕,你可以克服。」李玟非常有正面快樂的感染力,「先天後天都有,可能我喺屋企最細,我鍾意扮鬼扮馬令到身邊人笑、開心,見到媽咪開心我就會好溫暖、好開心。後天,我覺得一切都係一個態度,樂觀係一個自己的選擇,你可以選擇開心,亦可以選擇唔開心,全部睇你自己點揀。」
參加無綫新秀歌唱大賽,李玟獲得亞軍入行,今年剛好25年,走過四分一世紀的歌唱事業,當中的超亮點,包括2001年憑《臥虎藏龍》的《月光愛人》獲提名奧斯卡最佳電影歌曲獎、2016年參加《我是歌手》成為總冠軍。問她三個成就只能三揀一,會怎樣揀?她說:「嘩,好難揀,我可能會揀新秀,嗰時我18歲,我對我嘅世界、未來乜都唔知,只係知我好鍾意唱歌,對舞台好有feel,I feel for the stage,但唔知自己係咪made for the stage?因為當日參加咗新秀,我先有今日嘅機會成為歌手,由一個想像嘅畫面,變成真實。」
歌手路走得很順利,成為天后也嫁給愛情、跟富豪老公Bruce結婚,巨星朋友滿天下,李玟有否試過失意低潮?「低潮期絕對有,我係一個普通人,但人生係full of up and down,低潮時怎樣面對,我會不斷同自己講:you will survive!就算個結局唔好、係壞嘅,我都會接受,不會覺得係遺憾,而係當一堂必須上嘅課。」當然也少不了美食兼shopping的減壓治療,「唔開心時,就會食啲令我開心嘅嘢,好似菠蘿油。同埋我好鍾意去買鞋,我係大腳八,我鍾意買啲好靚嘅鞋,但如果唔舒服我就唔着,有啲嘥。」

下半場活在當下

上一次流淚不可以講,但李玟坦言自己是一個易喊的感性女人,好友失戀會一齊喊,看到相濡以沫的老夫妻廣告會不停喊,因為寫歌創作,就是需要敏感的一面,「最近去完朋友喺法國嘅婚禮,喺古老堡壘入面,我成日聽到個大鐘每15分鐘就噹一次,帶咗畀我好多新歌嘅靈感,人生其實就好似時鐘咁,噹噹噹咁不斷過。」人生的下半場,李玟坦言不想預期太多,只想活在當下,老公Bruce有兩個女兒,李玟亦希望和老公有愛情結晶品,今年4月,她公開承認做人工受孕,上天的禮物不可預期,「順其自然,如果有呢個緣份,會發生的,如果冇,It's Ok too。」

「承諾咗,就要做到最好」

李玟的火辣S身形、能應付不同曲風的強勁歌喉,背後全靠鋼鐵一般的意志,「《我是歌手》時比較誇張,每日兩餐,兩餐都係一模一樣嘅嘢,水煮豆腐、青菜同少少粉絲,因為我要我把聲最靚,所以唔要肉、唔要油、唔要炸、唔要甜,要係最best condition嘅聲線。」去年演唱會亦一樣,「第一場,我覺得個腹肌唔靚,冇乜線條,之後有一個月時間,我就搏命練,每日做700次sit up,兩星期就見到少少效,一個月就見到多啲。腹肌其實好容易練到,只要你有恒心同努力,好快得。」歌手、演員總有超乎常人的意志,「咁你承諾咗做一件事,就要做到最好,保持最佳狀態,係對工作嘅尊重。」

更多精采時尚內容,盡在 http://add.appledaily.com 。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載