› 選擇地區
三藩市
紐約
洛杉磯
其他美國地區
香港 台灣 北美
 
2018年08月11日

【娛樂人物】
舞出共融 港非混血兒Abou

港非混血兒Abou是梁梓禧的學生,眾人打成一片,傳來陣陣歡笑聲。

前名梁奕倫的梁梓禧近日與友人開辦「香港兒童才藝學院」,《蘋果》日前到學院走訪梁梓禧,他慨嘆現在的小朋友連說話都欠邏輯:「如果從小開始學習說話有組織能力,懂得表達自己,將來不論係學校面試、見工都有好有幫助。」

相關新聞:梁梓禧育英才

曾經受歧視

梁梓禧的學生之中,予人印象最深的是港非混血兒薛霖(Abou)。6歲的Abou因為膚色問題,受過同學歧視,Abou說:「佢喊話俾人『蝦』,但係我冇『蝦』佢,佢仲喊住同uncle講!又試過有次坐校車,有同學話我好衰,自己就好認真咁轉位,唔理佢哋,有時都覺得佢哋冇禮貌㗎!想用腳踢我㖭!我都想話畀老師知。」
Abou母親JoJo是土生土長香港人,她與非洲裔丈夫在香港認識,長子Abou及幼女俱在香港出生。JoJo戮力幫助子女融入香港社會,她對Abou很有信心:「試過去playgroup,一個講普通話嘅小朋友叫Abou走開,話唔同佢玩,我企喺旁邊冇出聲,想睇吓Abou會點,結果Abou用普通話問小朋友乜嘢名,我都係第一次聽佢講普通話,小朋友好自然就用普通話答番佢,咁兩個細路就一齊玩喇。」
Abou性格開朗,樂於認識新朋友,他表示:「我三、四年班都有朋友,我冇推人,冇shouting,冇跑得太快撞人,做得好啲,就會令人開心高興。」訪問當日,Abou在梁梓禧指導之下開心起舞,Abou的BIGBANG舞步為在場人士換來一片歡笑聲,也為Abou打開了一片天。

練習成動力

至於9歲的麥嘉彤(Kelly)亦是梁梓禧的學生,她表示將來想當演員或歌手。Kelly母親樂見女兒自信心提升,問她可會擔心因練習而影響了女兒的學業?Kelly母親表示情況剛好相反,練習反而成了女兒的動力,故認為強迫子女學習不一定是最好方法。
撰文:小米
攝影:沈健程
場地提供:香港兒童才藝學院

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載