› 選擇地區
三藩市
紐約
洛杉磯
其他美國地區
香港 台灣 北美
 
2018年08月11日

苟芸慧10.19出嫁 分兩日宴親朋

古天樂、謝安琪、苟芸慧、王君馨和樂基兒昨日在中環出席法國嬌蘭GUERLAIN「#190YearsOfCreation」香水慈善展,他們會親自設計香水瓶做善事,為國際培幼會籌款。
苟芸慧今年2月宣佈與職業賽車手兼富三代陸漢洋結婚,她在活動上正式公佈婚期:「我會喺今年嘅10月19日喺雙魚河結婚,日子係佢(未婚夫陸漢洋)揀嘅,都有睇過通勝同問過啲長輩。」

取消接新娘

苟姑娘還說:「我哋會分開兩日搞,邀請大約200位親朋好友到場,因為唔想太逼,真心想同每一位朋友傾吓偈,19號嗰日主要會請合作過嘅同事同朋友,之後會再揀一日,同長輩同親戚慶祝,日子仲傾緊,都係要等佢決定。」姊妹團方面,苟姑娘笑說:「我已經邀請咗王君馨、李亞男同岑麗香做姊妹,仲有一啲surprise嘅姊妹,到時你哋就會知。」之不過講到接新娘環節,苟姑娘笑說:「呢個環節取消咗,佢好醒,佢話唔使咁樣𢭃利是,已經安排咗每個人都會有。」苟姑娘希望可以與姊妹去旅行當bridal shower,但要視乎腹大便便的李亞男狀態,可能最後在香港舉行。
同場的古天樂今次擔任廣告男主角,問他會否希望做廣告導演?古仔笑說:「導演係另一門學問,如果係就要休息吓,好好計劃下劇本先。」古仔還笑說MV更加不懂得拍:「以前拍MV,成日叫我做啲不經意動作,或者你唔願意做嘅動作,其實我唔知佢哋想點。」靚媽謝安琪以露肩連身裙現身,身形明顯比以前纖瘦,阿Kay笑言威過老公張繼聰說:「我真係有做運動㗎,冇呃你哋,佢重到一個地步唔係好適宜跑步,有啲妒忌我,佢都有今日喇!」
採訪:盧妹
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載