蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年08月17日
馬上成為壹會員

【娛樂人物】拍劇捱殘 停工調理恨當媽
林夏薇20億闊太B計劃

31歲的林峯堂妹林夏薇,15年嫁給身家逾20億金融才俊莫贊生,結婚三年未有所出,薇薇在無綫劇接劇,作息不定時,今年6月約滿決定不續約,結束七年賓主關係。有指薇薇想趁空檔休息調理身子生B,她日前受訪時直言恨生小孩,身為獨女的她,希望可以生兩至三個子女,為家中添生氣,近日更狂做gym健體,練定腰力陀B。

採訪:陳杰
攝影:沈建程

相關新聞:練背肌收腹

林夏薇出道時是香港話劇團的全職演員,她想多方面嘗試,於11年簽約無綫加入視圈,薇薇由小花升呢花旦,不過經不起七年之癢,今年6月約滿決定離巢。離開原因,有指薇薇想將重心放在家庭,她三年前嫁給身家逾20億金融才俊莫贊生,結婚三年卻未有所出,薇薇決定利用休息時間調理好身體,準備造人。

巨蟹要家人

薇薇從前日以繼夜拍劇變「紙板人」,現在天天運動,強健體魄,「調理又唔係完全為咗生BB,只係為健康,生BB係我家庭計劃一部份。」問究竟恨不恨生B,她衝口而出:「都恨。」她表示大部份同學都做了媽咪,聚會中話題就不離湊仔經,「佢哋講嘅話題係返學同湊小朋友,又會玩番啲兒童遊戲,我最近同佢哋玩,發現唔識玩,生一個可以學。」薇薇心中並有家庭計劃:「我想要三個,兩至三都得,因為我係獨女,細個時好悶,我鍾意有兄弟姊妹一齊玩,熱鬧啲,仔女都冇所謂,可以一齊玩,多啲人一齊跑來跑去。」 巨蟹座的薇薇又說:「我係巨蟹座,比較居家,屋企排咗第一先,自己生意排第二。」
喜歡做運動的薇薇,目標是強化肌肉,莫非想練定腰力陀B?她說:「我想練番條腰firm啲,想強壯番少少。之前太瘦,增肥增得多又唔得,想練肌肉,好瘦又唔想,先生都覺得我太瘦。」

相關新聞:獲封網絡廚神

老公好遷就

剛跟老公慶祝結婚三周年,薇薇說:「食咗一餐飯,原本佢要飛,但專登同我食一餐飯,改晒所有期,我哋兩人之間過好簡單生活。以前大家都好忙,但都願意攞時間出嚟溝通,我拍劇好夜收工,佢會等我,有時我4、5點又開工,佢都好早做嘢,等我好辛苦,我返嚟又嘈醒佢,其實係惡性循環。大家同屋住,冇乜一齊食飯,我節日又要開工,有時菜未上又話要走,丟低佢,但佢又冇投訴嘅,佢好了解我,知我好鍾意自己工作。咁先生同樣熱愛自己工作,我亦好支持佢,兩人互相理解。」
跟薇薇大談生意經,她開的點心店越開越多,連火鍋店,合共有十四間,看到生意已上軌道,薇薇說:「𠵱家好多人嚟同我傾合作,想加盟入股,亦有投資傾合作,睇吓合唔合作到。」薇薇打理生意,但仍會兼顧幕前工作,她說:「再返無綫拍劇,真係要睇時間,我𠵱家停一停,可以用呢啲時間再去學多啲嘢,我又可以返去做吓話劇或唱吓歌,又可試吓電影方面,多咗學嘢機會。」

化妝:江中平化妝室
髮型:Ivan Lee @ Headquarters
場地提供:eliment FitLax(V-Point)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載