› 選擇地區
三藩市
紐約
洛杉磯
其他美國地區
香港 台灣 北美
 
2018年08月18日

婚後攬到實返港開工
陳凱琳叫嘉穎老公 毛管戙

鄭嘉穎與陳凱琳日前在峇里舉行婚禮,昨日凌晨12時許,一對新人甜蜜返港,嘉穎在機場拖實太太步出入境大堂,陳凱琳則如小鳥依人黐實老公,二人又不時互相攬腰,平時cool爆的嘉穎全程笑到「四萬咁口」,對傳媒更有求必應,齊齊騷婚戒,甜蜜指數爆燈。

未慣被叫鄭太

陳凱琳笑謂在飛機上被空姐叫鄭太仍未習慣,想了一想才知對方跟自己說話,感覺好得意。問二人是否奉子成婚及想生豬仔?嘉穎表示有好消息會宣佈,又說:「豬年都有排啦!都好嘅,豬仔好福氣。」陳凱琳則說奶奶未有給予壓力,順其自然就OK。問嘉穎接新娘時,唱《一千個願意》有何意思?他解釋:「我間唔中會喺屋企練吓歌,呢隻係練歌其中一隻,佢聽過話好鍾意,仲問歌詞係咪講佢,咁嗰日佢話想聽我唱歌,咁已經知佢想聽邊隻啦!唱咗呢隻先至娶到老婆啦!」
至於接新娘過程,嘉穎笑說要多謝一班姊妹手下留情:「我嗰啲(兄弟)掛住拍片,亦都唔多出聲,靠我一個人去……好似搞掂晒咁,所以佢哋都冇乜點難為我。」在旁情深望着老公的陳凱琳即時讚嘉穎:「好叻呀你!」那麼會否再度蜜月?嘉穎漏口風表示會再去旅行,但就笑着說:「梗係唔講你哋知啦!」

有共識勤造人

另外,陳凱琳返港後立即投入工作,昨晚出席YSL活動。她表示:「因為結婚後都留咗幾日玩,都休息過,工作番都幾開心。」自言未習慣被稱呼鄭太的她,又笑言現在叫嘉穎做老公,有感動和毛管戙感覺。
陳凱琳與嘉穎返港後入住酒店,問陳凱琳是否新居未裝修好?她表示:「因為我同嘉穎都想relax吓,住酒店有人照顧,新居遲啲會住。」問她是否有生B計劃?陳凱琳坦言夫婦二人有共識,都想行這一步。但問到現在是否不設訪?她即尷尬笑說:「哎呀,唔好問我呢啲咁尷尬問題啦!」
採訪:卓寶花、黃曉妍
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載