› 選擇地區
三藩市
紐約
洛杉磯
其他美國地區
香港 台灣 北美
 
2018年08月24日

【馮仁昭四圍超】屢傳婚事近
李佳芯忙拍劇 兩年無嫁期

李佳芯話𠵱家恨錢多過恨嫁,唔會畀期限自己。

李佳芯(Ali)、龔慈恩女兒林愷鈴(Ashley)、陳嘉寶、徐濠縈、賴慰玲同陳柏宇太太符曉薇等噚日到金鐘出席Shiseido彩妝活動。李佳芯𠵱家喺劇集入面飾演一個平民,去睇番殺手世界,雖然唔使演打鬥,但就成日俾人打。講到電視廣播公佈半年純利有增長,想唔想加人工?李佳芯話:「我𠵱家OK,保持住好嘅工作效率就夠,希望各方面福利更好,好似派錢、又或者人人加兩日年假。」至於《TVB周刊》公佈轉為網上版,或會有人事變動,佢話會擔心同事。
李佳芯同男朋友陳炳銓屢傳結婚,早前有傳媒向陳炳銓求證,男方聽到就話接唔住,李佳芯解釋:「有次活動安排粉絲求婚,我話現實生活唔使搞咁多嘢,啲記者問返佢,我今年同下年嘅plan都係拍劇,冇諗呢樣嘢。」男友陳炳銓對婚事話接唔住,會唔會失望?李佳芯就話:「我好重咩?」李佳芯又話𠵱家恨錢多過恨嫁,以前想28歲結婚,𠵱家唔會畀期限自己

Ashley入港大

同場Ashley趁暑假出動賺外快,下月佢會入讀香港大學選修建築,係佢第一選擇,選讀IB(國際預科文憑)課程嘅佢話今年考獲嘅成績係預計當中。問到媽咪龔慈恩有冇獎勵?佢話:「媽咪對我成績係放手,冇乜嘢要求,我讀書考試時仲成日拉我去玩。」佢簽咗經理人加入娛樂圈發展,今個暑假有參與微電影拍攝工作,佢話:「本身有打算去外國讀書,但鍾意演藝事業,又入到香港大學唔捨得走。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載