› 選擇地區
三藩市
紐約
洛杉磯
其他美國地區
香港 台灣 北美
 
2018年09月01日

不被金錢左右 最緊要有收穫

張偉文(中)與譚錫禧(右二)過往皆是紅館和音的鐵腳。資料圖片

縱橫樂壇四十年的張偉文,由歌手轉和音再做回歌手,由幕前退居幕後再重踏舞台,都是隨心而行,唯一沒變是他對音樂的熱忱。他在78年參加歌唱比賽入行,半年後簽約永恆唱片,一張唱片單是香港市場,銷量就高達30萬張。可惜後來與老闆音樂理念未能達成共識,他寧願捨棄幕前,退居幕後做和音。

相關新聞:【工廠妹王子】為張國榮譚詠麟和音

做藝人有挫敗

張偉文坦言唱和音的日子比做藝人更享受,因為沒壓力又賺到錢︰「以前做藝人,乜都係老闆揸主意,要商業、易入腦,好似自己畀乜意見都係廢嘅,好有挫敗感。於是我開始隱形、玩失蹤,但我唔可以轉公司,要等合約滿。咁之前我都唱過和音,咁順理成章就全職囉,一做就十九年。做幕後好開心,係冇幕前搵咁多,但都有幾十萬一年。」不過他直言和音與歌手是兩個世界,除非之前已經與歌手很熟,否則很有階級,彼此沒有交集。
千禧年代後,樂壇經歷低潮,演唱會大大減少,和音事業萎縮。於是他東山再起,加盟環星音樂,推出個人專輯《唱好女人》,翻唱女歌手歌曲,銷量達白金,更乘勢在伊館舉行演唱會,場場爆滿。
儘管在娛樂圈賺到幾桶金,但張偉文從不做金錢奴隸,不愛置業卻愛花費,全因母親從小教誨。在他4歲時,父親離世,母親也在七年後因癌症病逝,不過他遺傳媽咪樂觀個性︰「媽咪成日教我,死都帶唔走,(錢)唔係啲好有價值嘅嘢,佢話做嘢最重要腦袋有收穫。不過出嚟社會工作,初期都要為生活奔波,係賺到錢,但當我賺到好多,又真係覺得,又如何!唔係好開心咋喎!我媽咪講得好啱,做人要感覺行先,唔好俾錢左右你,否則到老都係空白一片。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載