蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月07日
馬上成為壹會員

【馮仁昭四圍超】孭演唱會飛債
嘉玲自薦做華仔嘉賓

嘉玲話自己買唔到劉德華演唱會飛,仲提議徐克搵華仔拍戲就有飛。

電影《狄仁傑之四大天王》前晚喺金鐘舉行首映,導演徐克同飾演武則天嘅劉嘉玲,連同製片施南生都有現身出席,活動上安排導演即席揮毫,寫出「四大天王」四個大字,並由嘉玲蓋印。嘉玲接受訪問時話徐克睇住佢大,每次見面都同佢做心理輔導。

出賣偉仔

講到市民喺網上瘋狂搶購劉德華演唱會門票,但買唔到嘅係佔大多數,嘉玲都係其中一分子,佢話:「劉德華你啲演唱會飛我買唔到,我𠵱家差成30張飛,咁點算?」早前華仔喺記者會上呼籲有意做演唱會嘉賓嘅要主動聯絡佢,問嘉玲會唔會叫老公梁朝偉做嘉賓?嘉玲話:「呢啲等佢哋自己私下傾。」佢仲話:「如果我做得唔得?我唔唱歌淨係上台打招呼?如果唔得我真係要考慮出賣佢(梁朝偉)做嘉賓。」嘉玲又同徐克講:「導演你搵劉德華返嚟拍戲咪有飛囉。」
另外,戲中有一幕講述嘉玲色誘趙又廷演嘅狄仁傑,嘉玲笑住話:「嗰場戲所有嘅動作都由導演親身指導,佢教嘅肢體動作相當妖艷,你睇佢以前拍《青蛇》、《上海之夜》就知,佢平時肯定係一個活色生香嘅人。」問到兩人會唔會再有機會合作,嘉玲話:「導演有好多諗法,佢有新劇本自然就會搵我。」
撰文:馮仁昭

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載