› 選擇地區
三藩市
紐約
洛杉磯
其他美國地區
香港 台灣 北美
 
2018年09月07日

4落選港姐入圍亞姐10強
鄉音佳麗:未驚過

亞姐香港區賽事10位候選佳麗,昨日於總台首度會晤傳媒。今年候選的十位佳麗中,最年輕是19歲的8號傅美霖,最年長是25歲的3號張靜茵,當中專上程度和大學畢業各佔一半,10號林孜沫更是碩士研究生。眾佳麗中,有5個之前曾經參加過選美,其中4個去過港姐面試,包括2號梁雪瑤去年曾參與港姐面試,5號蘇頌筠、9號李芷菱亦面試過今年港姐,3號張靜茵更加經驗豐富,曾面試過港姐,也參加過ViuTV廣告女神,三間電視台的選美盡數參加過。至於有「翻版姚子羚」之稱的1號賴嘉瑩,上年則參加過選美節目「環亞美神大賽」。

相關新聞:翟秋平哭訴被退選

10號甫士特別

問到再接再厲參選,5號蘇頌筠說:「我冇諗過參加邊個選美,都係想尋求一個突破畀自己,有勇氣踏出嚟已經好好,我覺得青春唔可以留白,唔想自己有遺憾。」9號李芷菱亦表示希望有個渠道達成演戲夢想。3號張靜茵則表示已經退出真人騷,信心方面,她則說:「參加得對自己都係有信心嘅,會好好享受呢個訓練過程。」
10號林孜沫是港大關於教育項目的研究生,不過她影合照時甫士多多兼鄉音極重,她說:「細個時學過中國舞,所以擺甫士都特別啲。」對於有好重口音,她說:「就算廣東話唔好,都有我嘅character,見住我嘅開心,我都唔當其他女仔係對手,輕鬆面對比賽。」

千萬后冠權杖

此外,亞視行政總裁何麗全表示因為今年是亞姐30周年,所以會是最大的一個project。製作費方面,何麗全說:「未計,仲有好多贊助商,總之12月決賽會喺馬六甲舉行,獎金、獎品會再加碼。」同時又宣佈后冠及權杖總值逾1,000萬元,比港姐還要多。至於司儀人選方面,會否找曾志偉助陣?何麗全說:「傾咗兩句,你幫我問吓佢做唔做啦,我哋虛位以待。」之後迅即轉話題:「我哋喺9月底去佛山,進行三日兩夜訓練,今次十位佳麗會選三甲出嚟。」
採訪:卓寶花、盧妹
攝影:沈健程

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載