蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月08日
馬上成為壹會員

【娛樂人物】
吳浩康 洪卓立 抗欺凌

吳浩康(左)和洪卓立在是非中成長,受過不少網絡欺凌。

吳浩康同洪卓立都是新秀出身,但一個粗獷野性,一個沉默寡言,性格、外形南轅北轍。這對黑白組合相識11年,今年首次合作,將於下月11日在旺角麥花臣場館舉行「他說他的故事演唱會」。兩人都在流言蜚語下成長,受盡網絡欺凌,將透過音樂訴說他們的故事。

撰文:馬建華
攝影:陳俊強

相關新聞:搵其他收入追夢

要在香港樂壇立足並非易事,洪卓立與吳浩康在是非洪流中力爭上游,繼續自己的音樂夢。二人之前同屬英皇唱片公司,可惜苦無合作機會,想不到兜兜轉轉11年,終於可以憑音樂交流。吳浩康說:「早幾年做可能冇乜嘢想講,𠵱家我哋都30幾歲,有啲嘢可以走埋一齊講。」旁邊的Ken亦深深嘆氣說︰「終於唔使再同鍾舒漫。」聽見舊愛鍾舒漫名字,Deep笑說:「我唔嫌棄同佢合作㗎!」

被指使女人錢

兩個男人開騷,洪卓立覺得比起跟女歌手合唱,音樂上有更多變化。演唱上他們會互唱對方歌曲,吳浩康說:「有一批歌佢唔會唱番,所以揀嚟唱,我唱自己歌會改編,但唱佢嘅歌會用原來編曲,我想透過呢個騷介紹佢嘅好嘢畀大家知。」洪卓立表示會選擇有故事性的歌曲來演繹:「有啲歌可能歌迷想聽自己偶像唱番,咁我就會留番畀佢唱。今次個騷冇花巧,純粹係做好音樂令觀眾共鳴。」
洪卓立及吳浩康受過不少網絡欺凌,洪卓立指最不忿是被人胡亂否定:「有個台灣人喺我首歌留言『首歌幾好聽,但唔知呢個係邊位?』跟住有人用廣東話留言『嗰個係死人,香港冇人聽佢唱歌。』呢句說話難聽過所有嘢,摧毀咗我同幕後人所有努力。」
相反,吳浩康承認很多抨擊,是源於自己曾犯錯,但最令他受不了是被指「使女人錢」。他說︰「自己發生咁多事,令人睇我角度有少少唔同,最緊要自己消化,我會同自己講將唱歌、演戲兩樣嘢做好。」

掹車邊明星仔

洪卓立亦有同感,他跟女友湯怡一段情亦被狙擊,他無奈硬食:「有人話我哋咁耐都唔結婚,一定係男仔有問題,唔好嫁窮鬼啦!平時我都好少覆,嗰次我忍唔住覆『你好似識我咁』,好奇怪,好多人見唔到就當你冇做,如果我日日做嘢擺上網,佢哋又唔睇,好彩兩個人嘅事,另一半知道就算。」
面對工作及是非壓力,洪卓立幸有家人支持:「家人由唔支持、反對、擔心到𠵱家有少少驕傲。我媽咪係校花,曾經諗過參選港姐,我𠵱家掹車邊都叫明星仔。我好鍾意唱歌,唔做呢行仲可以做邊行吖!」
服裝提供:WTDAF(洪卓立)
場地提供:RedMR紅人派對

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載