› 選擇地區
三藩市
紐約
洛杉磯
其他美國地區
香港 台灣 北美
 
2018年09月08日

「點解你咁留意別人性取向?」
藍奕邦斥Eric Kwok 恐同慣犯

郭偉亮(Eric Kwok)為ViuTV選秀節目《Good Night Show全民造星》做導師,日前在網上貼出節目相,並以英文留言:「如果你不是同性戀者,請舉手!」問參賽者,立即惹來圍插,就連「關懷愛滋AIDS Concern」都在facebook發聲明,Eric即時删文及道歉。

感對方有敵意

一直關注性小眾社群的藍奕邦,即使身處外地都忍不住在網上發千字文質問Eric,藍奕邦前晚在社交網用英文撰寫長達四頁紙的公開信,他揶揄Eric言論並非口直心快,而是「慣犯」。藍奕邦重提以前跟Eric合作,單獨談話時是正常,但當有其他人或傳媒在場,對方會在藍奕邦面前講取笑他是同性戀的笑話。藍奕邦表示最初不以為意,但當Eric三番四次重複同樣說話,他覺得對方存有敵意,更覺得被欺凌。
藍奕邦信中指出「自己百思不得其解,點解Eric成日咁做?點解成日對住我咁做?佢討厭我?佢恐同?定佢覺得同性戀好得意?佢同其他人係咪都係咁講嘢?我曾經做錯嘢得罪佢?」

害怕一齊共事

藍奕邦指自己沒頭緒,慢慢亦開始害怕一齊共事。他再質疑Eric:「點解你咁關注我嘅性取向?點解你咁留意別人嘅性取向?點解同性戀係咁大件事令你要第一句就問班參賽者?最重要係,點解你覺得呢啲嘢好有趣?」藍奕邦斥逼人出櫃行為邪惡。
大愛同盟成員兼DJ梁兆輝亦有轉貼藍奕邦的文章,並且留言:「原來不是無心之失,而是repeat offender。」網民Suen Chow留言指Eric不智:「支持藍奕邦發公開信不吐不快。現今年代同性戀好普通,毋須刻意咁講咁恥笑。Eric Kwok太不智,正確嚟講係低智。」網民Man Chan則表示:「大家互相尊重,不是傷天害理的話,人人有自由。」
撰文:靜楠

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載