› 選擇地區
三藩市
紐約
洛杉磯
其他美國地區
香港 台灣 北美
 
2018年09月10日

讚嘆秋官專業 埋位會漱口

Eric最近拍攝《詭探前傳》,差不多每場戲都與前輩秋官同場。互聯網圖片

郭偉亮除為ViuTV擔任《全民造星》導師外,最近亦夥拍鄭少秋拍劇集《詭探前傳》,在劇中飾演驅魔警司,與飾演資深道士的秋官有不少對手戲。原來Eric是秋官忠實擁躉︰「我拍呢齣劇差唔多每場戲都有秋官,真係絕對值回票價。佢真係好專業,佢好注重自己外表,埋位前一定會漱口,佢好清楚自己個角色,個妝自己化,個頭自己梳,一絲不苟。就連我嘅對白都好清楚,若果我講錯,佢會即時指正。」
為求逼真,Eric曾找真正的驅魔人取經:「拍之前我仲同導演去搵個真係驅魔嘅神父取經。原來驅魔嘅經文,即係嗰段聖經一定要全篇念晒,先至可以完成驅魔程序。」拍鬼戲多避忌,Eric亦不例外:「不過後來我上網查過嗰段拉丁文,先知原來如果你唔係神父絕唔能夠念嗰段嘢,搞到我鬼咁驚。後來導演畀我念嘅係好簡單,咁都OK,我都驚招惹到啲污糟嘢㗎嘛。不過我喺屋企用拉丁文練習嗰陣,都嚇親我太太。」

相關新聞:與媽咪鬧大交護愛妻

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載