蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月14日

「化療滴最後一包藥先覺痛」
Vani復工 開咪講抗癌

22,539

商台DJ雲妮(Vani)大約半年前發現患癌,隨即向商台請假醫病,更在社交平台留言要放「悠長假期」,但當時未有詳述放假原因。休息半年,Vani在前晚即張國榮(哥哥)生忌再開咪,更特意將哥哥的多首歌曲剪輯,表達自己患病期間心情。

多謝藝人好友

Vani在前晚節目首30分鐘,講述自己患病經歷,指從沒抱怨,而且覺得自己好幸運:「化療期間我滴最後一包藥先覺得痛,但當時我有好堅定嘅信念,相信嗰段期間發生嘅事都係最好安排,我相信我主診醫生嘅專業,我相信所有藥物都會幫到我,我相信自己可以跨過呢個難關。」
不過,Vani承認醫療過程不是長期保持正能量,也有受化療藥物影響心情,但將負面情緒發洩出來後,放下自尊都是正面想法。Vani又透過節目多謝多位歌手藝人:「除咗要多謝老闆Rita,令我可以放心放下工作專心醫病,仲有好姊妹田蕊妮,我同佢講我做化療會甩頭髮,所以我要剃頭,佢就錫咗我頭髮一啖,仲有喺電療室攬住我喊嘅倫永亮,你嘅膊頭充滿力量。」
Vani又多謝車婉婉及鄭秀文:「你哋喺醫院為我祈禱,喺群組為我打氣嘅留言,我永遠都唔會delete。」Vani還多謝梁詠琪(GiGi):「多謝GiGi做完演唱會,即刻飛撲嚟探我,出院嗰時幫我攞行李攞到一抽二抽,你真係好可愛。」

學友上網搵料

此外,Vani重點多謝以「阿哥」相稱的張學友,她說:「要多謝呢個冇血緣嘅阿哥,我知道你唔鍾意上網,但係都不斷上網幫我搵醫學資料,就算幾忙都keep住為我打氣。」Vani為切除癌細胞做了七小時手術,除了答謝同事在她做手術前打氣外,又感謝李克勤、容祖兒、楊千嬅、周慧敏及古巨基夫婦等,更指沒有想過孫耀威、鄧健泓及杜汶澤會因她病擔心到喊。
撰文:李察

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載