蘋果日報 | APPLE DAILY
› 選擇地區
三藩市
紐約
洛杉磯
其他美國地區
2018年09月14日

恐同風波同藍奕邦私人解決
Eric Kwok搵Eason教路

12,096

郭偉亮(Eric Kwok)前晚在金鐘出席電影短片《Start small,Start now》首映,為ViuTV《Good Night Show全民造星》做導師的他,談到日前在網上貼出《全民造星》的相,留言「如果你不是同性戀者,請舉手」問參賽者,惹來圍插,藍奕邦發文揶揄Eric,力斥他是恐同慣犯。

學會幕前慎言

Eric說:「我絕對唔係恐同,只係怪自己喺Ig個post解釋得唔係好清楚,一句說話而變成議論話題,令到有啲人好敏感,我明白佢哋嘅處境係好大壓力。」
Eric續說:「嗰次我係教一班學員點去面對傳媒尖銳問題,呢個只係開場白,想睇吓佢哋會點樣處理,估唔到身為導師嘅我要以身作則,面對大家嘅尖銳問題,同傳媒好好合作。」但談到藍奕邦言論,Eric說:「關於阿邦嘅嘢,全部都唔會回應,由頭到尾都係我哋兩個人嘅事,如果佢有需要可以搵我,不過佢冇聯絡過我。」
那可會主動聯絡藍奕邦?Eric說:「關於佢嘅嘢都係唔回應,只係怪自己冇好好講清楚而令人誤會,做幕前係要慎言,我都同Eason傾過,話晒第一次發生,係有啲唔開心,做幕前就會有啲咁經歷,去學識點樣處理。」Eric大讚陳奕迅是好朋友,患難見真情。

CoCo祈求陀B

同場還有林建岳、謝玲玲、甄子丹夫婦、李玟(CoCo)、方力申、徐濠縈、許志安和Rosemary等,安仔都支持環保,提到老婆鄭秀文新碟造型是性感泳衣,他說:「幾靚幾有型呀!好嘢應該攞出嚟喇,夏天嘛,唔通着樽領咩?」有報道指CoCo接受人工受孕,她回應:「順其自然,越講得多就越冇呢個運氣。」可想再祈求?她說:「好喎,有夢想係一件好事。」
採訪:卓寶花
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載