› 選擇地區
三藩市
紐約
洛杉磯
其他美國地區
香港 台灣 北美
 
2018年09月14日

【姐匙Talk】玫瑰聽阿媽話搵人包養

娛樂圈近年湧現星二代已唔係新鮮事,其中喺早幾十年,都有星二代入行,就好似「玫瑰」咁,憑住美貌加入電視台冇耐,好快就闖出名堂。好多人都話有名,自然有利,不過玫瑰嘅收入就滿足唔到佢。
話說有日玫瑰去閨密屋企喊晒口,原來玫瑰媽鬧佢,點解每月拎雞碎咁多錢返屋企,仲話「你搵唔夠,就搵人包你啦。如果有人肯包我,我都肯呀!」玫瑰就覺得好煩惱,一向侍母至孝嘅佢,從來唔覺得玫瑰媽有問題,而係同閨密講「無端端點搵人包,唔通周圍問人有冇人包我咩?」

前夫要求陪客

娛樂圈一向都講供求,以玫瑰嘅條件,透過「農場主人」好快就幫佢搵到位華僑包養。呢位華僑每個月只係喺香港出現一兩次,佢亦都好愛錫玫瑰。之後玫瑰終於埋街食井水,嫁咗畀位富商,點知冇耐玫瑰又喊住走去搵位閨密話要離婚。原來富商為咗做生意,竟然要求玫瑰去陪啲客上床,聽落都匪夷所思,不過就真係事實,死都唔肯嘅玫瑰自然係離婚收場。
冇咗大水喉,玫瑰自然要復出拍戲,雖然嫁完人但依然有樣有身材,好快就俾「爆炸」睇中,仲應承玫瑰喺新戲佔好重戲份,等價交換自然係「陪瞓」,玫瑰亦都一口應承。不過當套戲上映,玫瑰發現佢嘅戲份唔夠「貓仔」多,追查之下原來佢瞓得唔夠貓仔多,所以戲份全部落喺對方身上,所以話呢個圈識字不如識人。

撰文:Jessie
本欄逢周五刊登

姐匙Talk

我姐匙縱橫歌影視幕後,咁多年嚟冷眼旁觀,娛樂圈大小事都走唔過我雙眼,真係頂唔順要爆啦!歡迎大家嚟剝花生。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載